Свет
„Жената од џунглата“ побегна во дивината во Камбоџа
„Жената од џунглата“ од Камбоџа, која помина 18 години живеејќи во густите шуми, повторно побегна во дивината откако имаше проблеми со борбата да се адаптира во општеството, пренесува Телеграф.
„Жената од џунглата“ од Камбоџа, која помина 18 години живеејќи во густите шуми, повторно побегна во дивината откако имаше проблеми со борбата да се адаптира во општеството, пренесува Телеграф. Роком Пингиенг (Rochom P’ngieng), која сега има 29 години, за прв пат исчезнала во џунглата во 1989 година кога била мало девојче. Таа беше „откриена“ во 2007 година и повторно обединета со нејзината фамилија. Сепак, напорите за да ја интегрираат Роком во општеството не успеаа. Таа не научи ниту еден од локалните јазици, Кмер ( Khmer) или Панг (Phnang), преферираше ползење наместо одење, одбиваше да носи облека и направи неколку обиди за да се врати во шумата каде израснала. Нејзиниот татко, Сал Лу (Sal Lou), полицаец, рече дека таа правела прогрес во последно време, но дека исчезнала минатиот вторник. „Таа ја соблече својата облека и избега од куќата без да каже ни збор на никој од нашата фамилија,“ вели Лу. Драматичното појавување и пробна реинтеграција на „жената од џунглата“ ја вчудоневиди Камбоџа каде исто така е позната и како „девојката полу-животно“ поради нејзината појава и фактот што прави звуци кои ги прават животните наместо да говори. Нејзиниот татко го обвинува второто исчезнување на неговата ќерка на „духовите од џунглата“, што е вообичаено за ова општество кое е преполнето со мистични верувања. Друга теорија е понудена од локалните групи за човекови права, кои веруваат дека жената се мачела да се реадаптира во општеството и претрпела огромни стресови. „Таа најверојатно имала трауматични искуства во џунглата кои влијаеле на нејзината способност за говорење,“ тврди Пен Буна од локалните групи. Соседите и локалните власти и помагаат на фамилијата во потрагата по дивата Роком, но џунглите на Ратанакири (Ratanakkiri) се едни од најопасните и најизолираните во Камбоџа.Оригинален извор овде /крај/телеграф/бх/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Авион со 200 луѓе слета во Јапонија, по слетувањето леталото почна да чади
Јапонскиот државен радиодифузен сервис NHK објави дека се издигнал чад од авионот на All Nippon Airways кој денеска слета на аеродромот Шин Читозе во Јапонија.
Летот 71 полета од аеродромот Ханеда во Токио со 200 луѓе. Нема извештаи за повредени.
NHK јавува дека чадот, кој се гледал од пределот на крилата по слетувањето, исчезнал кога моторот престанал да работи. Причината за чадот може да биде истекување на нафта, според NHK. Индикаторот во пилотската кабина покажа губење на притисокот на маслото во системот што го контролира авионот.
Една од двете писти на аеродромот Читосе беше затворена по инцидентот.
Во јануари, авион на Јапонија ерлајнс и авион на крајбрежната стража се судрија на аеродромот Ханеда и се запалија. Сите 379 патници и членови на екипажот на JAL се евакуирани, но загинаа пет членови од авионот на крајбрежната стража.
Свет
Путин: Сите вмешани во терористичкиот напад во „Крокус сити хол“ кај Москва мора да бидат казнети
Сите поттикнувачи, спонзори и организатори на терористичкиот напад на концертната сала „Крокус“, во предградието на Москва, мора да бидат идентификувани и казнети, изјави рускиот претседател, Владимир Путин.
„Руските разузнавачки и агенциите за спроведување на законот го истражуваат и испитуваат секој детаљ од овој грозоморен терористички чин во ‘Крокус’ идентификувајќи ги сите инволвирани страни, вклучително и поттикнувачите, спонзорите и организаторите. Никој од нив не смее да избега од праведна казна“, нагласи Путин.
Зад терористичките напади во разни делови на светот стојат и радикални групи и разузнавачки служби на одделни земји, рече рускиот лидер, пренесен од руските медиуми.
„Несомнено, меѓународниот тероризам останува една од најголемите закани на 21 век“, истакна Путин.
.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.