Свет
Истрага: СЗО финансиски поврзана со фармацевтите за свинскиот грип
Научниците кои стоеле зад препораките на Светската здравствена организација (СЗО) за правењето на залихи на лекови против новиот грип биле финансиски поврзани со компаниите чија цел бил профитот, покажа истрагата, пренесува BBC.
Научниците кои стоеле зад препораките на Светската здравствена организација (СЗО) за правењето на залихи на лекови против новиот грип биле финансиски поврзани со компаниите чија цел бил профитот, покажа истрагата, пренесува BBC.
Една година по прогласувањето на пандемија на новиот грип, залихите од вакцини стојат неискористени, а владите се обидуваат да ги раскинат договорите.
Британскиот медицински журнал (British Medical Journal, BMJ), вели дека научниците сами ги објавиле овие врски во други публикации, но дека СЗО не ги опоменала.
Овој извештај доаѓа по критиките кои отворено ги упати Советот на Европа поради недостатокот на отвореност во постапката со пандемијата на новиот грип. Портпаролот на СЗО демантираше дека фармацевтската индустрија влијаела на одлуките на оваа организација во врска со свинскиот грип.
СЗО уште во 2004. година донесе препораки во кои владите на земјите се советуваат да прават залихи на антивирусни лекови, што ги наведе земјите ширум светот да купуваат огромни количини на лекови Тамифлу и Реленза, кои ги произведуваат Рош (Roche) и Глаксосмитклајн (GlaxoSmithKline, GSK).
Бирото за истражувачко новинарство (Bureau of Investigative Journalism) откри дека тројца научници кои биле вклучени во составувањето на препораките од 2004. година, примиле пари од Рош или ГСК за предавања, консултантски услуги, како и истражувања за овие компании. Иако овие научници, претходно на други места ги објавиле овие врски и кажале дека СЗО барала податоци за судирот на интереси пред состанокот на експертите, СЗО не ги објавила овие врски.
Сеуште не се знае дали СЗО тајно ги известила земјите ширум светот за овие судири, а барањето за увид во изјавите за судири на интереси се одбиени. Исто така во тајност се држи и членството на „комитетот за вонредни ситуации“ кој ја советувал генералната директорка на СЗО, Маргарет Чен за прогласувањето на пандемија на новиот грип.
Тоа значи дека имињата на 16 членови на тој комитет се познати само на СЗО, како и дека нивните можни судири на интереси со фармацевтските компании се непознати.
На сајтот на СЗО стои: „Можните судири на интереси се својствени за сите регулаторни врски и агенции за здравствен развој, како што се СЗО и индустриите чија цел е профит. Сличните околности важат и кога експертите кои го советуваат СЗО имаат професионални врски со фармацевтските компании.“ /крај/бе/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.
Свет
(Видео) Пратеник во ЕУ пушти гулаб во знак на мир
Словачки пратеник во Европскиот парламент денеска привлече внимание со пуштање жива птица од говорницата по неговиот говор. Како што рече, тоа го направил во знак на мир во светот.
На збунетост и изненадување на присутните претставници во Стразбур, Мирослав Радачовски, лидер на десничарската партија Словачки патриот, посегна во чантата што ја имаше под јакната и го пушти гулабот да одлета во собраниската сала.
Тој рече дека „сака мир за целиот свет, за Русите и Украинците“.
„Би сакал да го ослободам овој гулаб како симбол на мирот, да симболизирам дека на Европа и треба мир. Да оставиме овој гулаб да не обедини сите“, рече Радачовски.
Сепак, иако сакаше да ги обедини присутните, некои ги згрози.
Каролин Руз, француска пратеничка во Европскиот парламент од редовите на Зелените, го критикуваше велејќи дека користел живо животно за да даде политичко мислење, што е спротивно на правилата на парламентот.
„Тој употреби животно, скриено во неговата торба како едноставен предмет, само за да даде изјава за мир денес. Што ќе направите за да го вратите ова животно, господине? Каде е благосостојбата на животните во гестот на овој говорник? Сметам дека ова е апсолутно неприфатливо“, рече Руз.
Додека птицата леташе низ салата, друг колега го праша Радачовски: „Можеш ли да ја фатиш“.
Јан-Кристоф Отјен, заменик-претседател на парламентот, рече дека инцидентот ќе биде пријавен кај претседателот на домот, додавајќи: „Се надеваме дека животното ќе биде добро“.