Свет
Анализа на СТРАТФОР: Авганистан: значењето на минералното богатство
Потенцијалите за вадење на рудни богатства во Авганистан привлекоа огромно медиумско внимание последниве денови, откако се појавија информациите дека во земјата „лежат“ преку еден трилион долари во рудни богатства и изјавата од 12 јуни на шефот
Потенцијалите за вадење на рудни богатства во Авганистан привлекоа огромно медиумско внимание последниве денови, откако се појавија информациите дека во земјата „лежат“ преку еден трилион долари во рудни богатства и изјавата од 12 јуни на шефот на централната команда на армијата на САД, генерал Дејвид Петраус, во која тој го карактеризира Авганистан како земја со „зашеметувачки“ економски потенцијал.
Сепак, најголемиот дел од тоа што се зборува сега потекнува од две студии кои, пак, датираат од 2006/7 година: едната е на американската компанија „Џиолоџикал сурови“, во соработка со Агенцијата за меѓународен развој од САД и со авганистански геолози. Резултатите од овие студии беа објавени во 2007 година од страна на американската влада. ИСто така, се’ повеќе се зборува и за наслаги од литиум, што беше и конкретниот повод за медиумското внимание. И други изјави во врска со потенцијалното минерално богатство на Авганистан беа дадени во изминатиов период, при што претседателот Хамид Карзаи бројката од еден трилион долари ја спомена уште во февруари, а генерал петраус во декември минатата година.
Кинеската корпорација „Чајна Металурџикал Груп“ веќе уплати однапред три милијарди долари и уште 400 милиони долари отпосле за да ги добие правата за наоѓалиштето на бакар во провинцијата Логар. Верификационите бушења се заведени уште минатата година, а веќе поставен и импровизиран камп, иако допрва треба да се изградат уште огромна железничка линија, електрична централа и топилница. Во провинцијата Бамјан, на околу 100 километри од престолнината Кабул се испитува наоѓалиштето на железна руда Хаџигак, но Кинезите се повлекоа од наддавањето кое подоцна беше поништено поради корпупцискиот скандал кој вклучува една кинеска компанија и авганистанското Министерство за рударство во текот на наддавањето за Ајнак.
Кинеско- авганистанските рударски проекти е веќе разводнето поради проблемите со лошата инфраструктура, смешната логистика, безбедносните закани и корумпираните преговори обвиени со тајност. Потенцијалното присуство на големи наслаги на руда во Авганистан никогаш не ставено под сомнеж: планинските терени на земјата посочуваат на таквата можност.
Предизвикот е во тоа таа руда да се извади и да се достави до пазарот на економичен и конкурентен начин, а овој предизвик и натаму останува имитирачки невозможен. Авганистан е неразвиена земја со многу лоша инфраструктура и никаква железничка конекција со надворешниот свет (иако една линија се гради на северот на земјата). Иако природата на рудните наслаги и економијата на нивната експлоатација може значително да варира, дури и внатре во една иста земја, вадењето на рудата од земјата и транспортирањето на огромни далечини е логистички интензивен потфат, дури и кога железницата и патиштата се релативно развиени.
Технички, да се развие задоволителна инфраструктура во Авганистан е можно, но цената на тој потфат за сигурно ќе ја подигне цената на инвестицијата, на транспортот и на вадењето на рудата далеку над она што во моментов може да се добие за таа руда на глобалните пазари.
СТРАТФОР е фокус иран на тоа како овие извештаи се појавија во јавноста токму минатата недела. очигледно е дека сега во тек е медиумски притисок и важно е да се разбере зошто. Сето ова во текот на наредните неколку години ќе има многу мал ефект врз состојбата на теренот во Авганистан во смисла на инвестиции и развој на рударскиот сектор во земјата. Клучното прашање во овој момент е како Вашингтон ќе ја насочи приказната за рудното богатство во корист на своите интереси во регионот, особено во моментот кога САД се бори да го прекине застојот во југоисточен Авганистан и да ги присили талибанците да седнат на преговарачката маса. Но. локалната недоверба во добрите намери на САД може да ја намали користа од поттикнувањето на приказната за економскиот потенцијал на Авганистан./крај/сс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Земјотрес во Турција со јачина од 5,6 степени според Рихтеровата скала
Земјотрес со јачина од 5,6 степени според Рихтеровата скала попладнево ја погоди централна Турција, соопшти државната агенција за справување со катастрофи. Веднаш не беше соопштено дали земјотресот предизвикал жртви или материјална штета.
Според Дирекцијата за управување со катастрофи и вонредни ситуации, земјотресот се случил во градот Сулусарај, во провинцијата Токат, на околу 450 километри источно од главниот град Анкара.
Според телевизијата Хабер Турк, земјотресот бил почувствуван во соседните провинции. Земјотресите во Турција се чести бидејќи земјата лежи на активни раседи.
Разорен земјотрес со јачина од 7,8 степени според Рихтер ја погоди минатата година
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.
Свет
СЗО: Зголемен е ризикот од птичји грип да премине кај луѓето, многу сме загрижени
Светската здравствена организација изрази загриженост поради ширењето на птичјиот грип Х5Н1, кој има „исклучително висока“ стапка на смртност кај луѓето. Избувнувањето што започна во 2020 година досега уби десетици милиони живина, а неодамнешното ширење на вирусот кај неколку видови цицачи, вклучително и домашни говеда во САД, го зголеми ризикот од пренесување на луѓето, соопшти СЗО.
„Мислам дека ова останува огромен проблем“, им рече на новинарите во Женева главниот научник на агенцијата за здравство на ОН Џереми Фарар. Минатиот месец на листата на заразени видови се приклучија и кравите и козите, што е неочекуван развој за експертите бидејќи се сметаше дека тие не се подложни на овој тип на грип.
Американските власти овој месец објавија дека едно лице во Тексас се опоравува од птичји грип по изложување на говеда, при што 16 јата во шест држави се заразени по изложување на диви птици.
Засега нема докази дека Х5Н1 се шири меѓу луѓето. Но, во стотиците случаи кога луѓето биле заразени од контакт со животни во изминатите 20 години, „стапката на смртност е исклучително висока“, рече Фарар, бидејќи луѓето немаат природен имунитет на вирусот.
Од 2003 до 2024 година, ширум светот се пријавени 889 случаи и 463 смртни случаи предизвикани од Х5Н1 во 23 земји, стапка на смртност од 52%.