Свет
Иранскиот Врховен совет ги обвини ОН за двојни стандарди
Иранскиот Врховен совет за национална безбедност денеска ги критикуваше последните санкции на Обединетите нации(ОН) против Иран, наведувајќи дека станува збор за двојни стандарди на светските сили.
Иранскиот Врховен совет за национална безбедност денеска ги критикуваше последните санкции на Обединетите нации(ОН) против Иран, наведувајќи дека станува збор за двојни стандарди на светските сили. Советот укажа дека САД и другите нуклеарни сили го казнуваат Иран со санкции, иако Техеран не поседува нуклеарно оружје, додека истовремено го поддржуваат Израел, за кој се верува дека има „поприличен нуклеарен арсенал“. „Светот никогаш досега не виде резолуција на Советот за безбедност на ОН за нуклеарното вооружување на ционистичкиот режим. ОН никогаш не сакаа да истражуваат кој му го обезбеди нуклеарното вооружување на тој режим“, порача Советот.на Советот за безбедност на ОН на почетокот на месецот воведе четврт построг пакет санкции на Иран, со кој се предвидува замрзнување на имотот на 40 ирански компании и организации, поврзани со производството на балистички проектили. Со санкциите се забранува и ирански инвестиции како ископување на ураниум, како и можноста Иран да купи некој вид тешко вооружување, како што се напаѓачки хеликоптери и проектили. САД и Европската унија(ЕУ), независно од ОН, претходните два дена усвоија дополнителни санкции против Иран, кои, меѓу другото, подразбираат казни против поединци и институции кои „му помагаат на Техеран да развие своја нуклеарна програма и ракетна програма и да ги избегне меѓународните санкции“. Иран збогатува ураниум до ниво од 20 отсто, додека за производство на атомско оружје се потребни 95 отсто. Техеран најавува дека ќе продолжи со обогатувањето на ураниум на повисоко ниво, за да произведе гориво за истражувачкиот реактор за производство на медицински изотопи. Западот го обвинува Иран дека производството на медицински изотопи или струја е само покритие за подготовка за производство на атомско оружје, што, според меѓународната заедница, е вистинска причина за нуклеарната програма на Техеран. /крај/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Големи експлозии во база на проиранската милиција во Ирак
Проиранската милиција ПМФ (Сили за народна мобилизација) објави дека во текот на ноќта се случила голема експлозија во нивната воена база Калсо на околу 50 километри јужно од Багдад, Ирак, а два безбедносни извори тврдат дека станува збор за воздушен напад, пренесува Ројтерс.
Еден војник на ПМФ е убиен, а шестмина се ранети, соопштија два извори од болницата во блискиот град Хила.
Од експлозијата е причинета материјална штета, а има и повредени“, се вели во соопштението на ПМФ и се додава дека истрагата е во тек.
Два безбедносни извори изјавија дека се уште не знаат кој е одговорен за воздушниот напад. Американски официјален претставник изјави дека немало американска воена активност во Ирак.
Израел вчера изврши напад на иранска територија, неколку дена откако Иран го нападна Израел со беспилотни летала и проектили кои главно беа пресретнати и уништени.
Фракциите во рамките на ПМФ учествуваа во неколкумесечни ракетни и беспилотни напади врз американските сили во Ирак среде кампањата на Израел во Газа, но ги прекинаа нападите од почетокот на февруари.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.