Свет
Годишно во Германија од алкохол умираат 74.000 луѓе
Околу 74.000 луѓе умираат годишно во Германија од последиците на претераното конзумирање алкохол, соопшти Сојузната централа за здравствено образование.
Околу 74.000 луѓе умираат годишно во Германија од последиците на претераното конзумирање алкохол, соопшти Сојузната централа за здравствено образование.
Тоа е девет отсто од вкупниот број на смртни случаи. Колку за споредба, лани во Германија 4.160 луѓе загинале во сообраќајни несреќи, а околу 140.000 умреле од последиците од пушењето.
Истражувањето покажува дека дури 1,3 милиони Германци се зависници од алкохол. Германија е на петто место во Европа според потрошувачката на алкохол.
Понатаму се наведува дека во просек и пресметано врз основа на потрошувачката на пиво, вино и другите пијалоци, Германците пијат 12 литри чист алкохол годишно. На првите три места во Европа се Луксембург(15,6 литри чист алкохол), Ирска и Унгарија.
Податоците на Светската здравствена организација покажуваат дека во светот најмалку 76 милиони луѓе се зависници од алкохол. Секој 25 смртен случај во светот е предизвикан од претерано пиење. /крај/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.