Свет
Скарпхедисон: Членството во ЕУ би ја спречило исландската криза
Доколку Исланд беше член на Европската Унија или на еврозоната, денешната криза во таа земја и колапсот на банковниот систем не би се случеле, оцени исландскиот министер за надворешни работи Осур Скарпхедисон, објаснувајќи зошто неговата земја сака да влезе во ЕУ.
Доколку Исланд беше член на Европската Унија или на еврозоната, денешната криза во таа земја и колапсот на банковниот систем не би се случеле, оцени по состанокот со хрватскиот министер Гордан Јандроковиќ, исландскиот министер за надворешни работи Осур Скарпхедисон, објаснувајќи зошто неговата земја сака да влезе во ЕУ.
Хрватскиот министер Гордан Јандроковиќ му честита на Исланд поради отворените преговори во европскиот парламент и вети хрватска помош и му се заблагодари за помошта на Исланд околу влезот на Хрватска во Северноатлантскиот сојуз.
„Големи се шансите дека Хрватска ќе влезе во Европската унија пред Исланд и ние ќе ги поддржиме исландските пријатели“, рече Јандроковиќ по состанокот со министерот Осур Скарпхедисон.
Двајцата министри разговарале и за можната соработка и инвестиции. „Исланд има искуство во искористување на геотермалната енергија и Хрватска тоа искуство секако дека ќе го искористи и ги повикуваме исландските инвеститори“ рече Јандроковиќ.
Исландскиот министер рече дека Хрватска има многу геотермални потенцијали, повеќе и отколку што нејзините граѓани ги познаваат.
„Ние веруваме дека можете од тие извори да добивате пет до десет отсто повеќе енергија“, додаде тој.крај/хина/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.