Свет
Селина Скот: БиБиСи виновни за сексизам и дискриминација по возраст
Новинарката и презентерка Селина Скот, во отворено писмо кое денеска го објави британски Телеграф, упатено до Мајкл Лионс, Претседател на БиБиСи Траст (BBC Trust), го обвинува БиБиСи но и други корпорации во Британија, за сексизам и дискриминација по возраст на жените кои работат во медиумите
Новинарката и презентерка Селина Скот, во отворено писмо кое денеска го објави британски Телеграф, упатено до Мајкл Лионс, Претседател на БиБиСи Траст (BBC Trust), го обвинува БиБиСи но и други корпорации во Британија, за сексизам и дискриминација по возраст на жените кои работат во медиумите, а се повозрасни од 50 години. Писмото односно досието, на кое освен Скот работеле уште неколку граѓански организации од Британија кои се борат со дискриминацијата против жените, сместено во навидум анонимна пратка, содржи повеќе информации за малигните сексистички и дискриминаторски политики на големите корпорации кон жените, и истото можеби ќе придонесе до една револуција во телевизискиот центар, пишува Скот. „Работев интензивно за БиБиСи; не само што ја стартував „Телевизија за појадок“ (Breakfast Television) туку и ме сметаа за „Златната девојка“ на корпорацијата – фраза што отсекогаш ја мразев. Дури и како млада личност, уживајќи во моите моменти на слава, гледав и бев ужасната од дискриминацијата која се правеше врз жените кои не беа во цутот на својата младост. Но додека не го направивме нашиот извештај, не бев свесна за тоа колку длабоко е навлезена оваа болест во BBC,“ вели новинарката во своето писмо. Таа наведува дека пред 12 години дури и од БиБиСи се согласиле со неа, откако во 1998 година комисијата на „Age Concern“ направила своја истрага која открила дека „постарите мажи“ многу повеќе ги надбројувале „постарите жени“ на екраните на БиБиСи и тоа со 72 проценти наспроти 28 проценти за жените. Во извештајот е експлицитно наведено дека „постарите жени се очигледно помалку застапени и покрај фактот што постарите жени во реалниот свет ги надбројуваат мажите“. Тогаш БиБиСи излегле со реакција дека: имале „чувство на одговорност“ за ваквата ситуација. „Сепак што се случи со овој извештај и што се случи со нашите екрани од тогаш? Ништо. Опсесијата со младите и одбивноста кон повозрасните жени во телевизијата се зголеми,“ истакнува Селина Скот. Во досието се наведени повеќе случаи на жени – новинарки, кои наводно биле дискриминирани поради својот пол или возраста, и Скот истакнува дека „БиБиСи не се сами во креирање на општество опседнато со младоста во кое сите кои се над 50 се сметаат за одбивни и без никаква вредност“. „Ја постигнав точката каде повеќе нема да го поднесувам ваквиот третман, и подобро е да умрам на нозе отколку да живеам на колена, како што, за жал, многу од мојот пол решија да живеат, земајќи трошки од масата кои им се фрлаат, и потоа мразејќи се себеси за тоа,“ отворено пишува долгогодишната британска ТВ презентерка, новинарка, телевизиска продуцентка и презентерка, Селина Скот./крај/тф/дм/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите, кои ќе траат шест недели, а ќе гласаат речиси 970 милиони
Денеска, почнаа најобемните избори во светот, а речиси 970 милиони регистрирани гласачи во Индија учествуваат во овој огромен процес, кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарда жители. Гласачите, всушност, не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави „Дојче веле“.
На натпреварот учествуваат шест национални партии, 57 партии од индиските сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формира сојуз од 28 партии, наречен Индиски национален развој – инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду-мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира кога ќе се разјасни неговата природа.
„Во секој случај, без разлика на сѐ, продолжуваме да се залагаме за воздржаност од двете страни за да нема дејства што би предизвикале натамошна ескалација на тензиите во регионот“, рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала „Шахед“ од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.