Свет
Источноазиските мажи бараат сопруги надвор од земјата
Сé поголем е бројот на мажи во источна Азија, особено во Јапонија, Јужна Кореја и Тајван, кои мораат да бараат сопруги во странство, поради се помалиот број на слободни жени во нивните земји, пренесува Бета.
Сé поголем е бројот на мажи во источна Азија, особено во Јапонија, Јужна Кореја и Тајван, кои мораат да бараат сопруги во странство, поради се помалиот број на слободни жени во нивните земји, пренесува Бета.
„Од почетокот на 90-тите години многу мажи во Источна Азија се вртат кон странство да бараат сопруги“, наведува Даниел Беланже, социолог, од канадскиот универзитет во Онтарио, во студијата што во понеделник ја објави францускиот Национален институт за демографски студии.
Во овие три земји „увезените“ сопруги претставуваат најголема група меѓу новите имигранти, ако не се земат во предвид привремените работници – мигранти.
Појавата на склучување на бракови со жени од странство почна во 1980 година во Јапонија, но во оваа земја не зема големи размери, па така во 2000 година само околу 5 до 6 отсто од новите бракови се склучени со жени од странство.
Од друга страна пак, се наведува во студијата, мажите во овие земји имаат обврска да ја продолжат семејната лоза и да добијат син, а во повеќето случаи и да им помогнат на старите родители, поради што не можат да останат неженети.
Сопругите воглавно потекнуваат од Кина и Виетнам, а тие се мажат за сопруг од сиромашните рурални реони, но овој тип на бракови се шири и кај средната класа во градовите.
Агенциите за склучување на бракови дури и се специјализирале за овој „бизнис“, а за нивните услуги семејството на мажот плаќаат од 5.000 до 10.000 евра.
Авторката на студијата наведува дека повеќето од жените – мигранти влегуваат во браковите по своја желба, а не под притисок на родителите, со две цели – да се омажат и да емигрираат./крај/бета/см
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите, кои ќе траат шест недели, а ќе гласаат речиси 970 милиони
Денеска, почнаа најобемните избори во светот, а речиси 970 милиони регистрирани гласачи во Индија учествуваат во овој огромен процес, кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарда жители. Гласачите, всушност, не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави „Дојче веле“.
На натпреварот учествуваат шест национални партии, 57 партии од индиските сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формира сојуз од 28 партии, наречен Индиски национален развој – инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду-мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира кога ќе се разјасни неговата природа.
„Во секој случај, без разлика на сѐ, продолжуваме да се залагаме за воздржаност од двете страни за да нема дејства што би предизвикале натамошна ескалација на тензиите во регионот“, рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала „Шахед“ од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.