Свет
Протечените документи го обвинуваат Пакистан
Документите кои протекоа од американската војска во Авганистан јасно ги потврдуваат тврдењата на авганистанската влада дека војната во оваа земја нема да заврши додека не бидат уништени терористичките прибежишта во соседен Пакистан, посочи официјален Кабул, пренесува Асошиејтед прес.
Документите кои протекоа од американската војска во Авганистан јасно ги потврдуваат тврдењата на авганистанската влада дека војната во оваа земја нема да заврши додека не бидат уништени терористичките прибежишта во соседен Пакистан, посочи официјален Кабул, пренесува Асошиејтед прес.
Во 91.000 документи кои ги објави интернет страницата за дигање на узбуни, „Викилик“, а кој протекоа од американската армија, меѓу другото се посочува дека Пакистан одржувал блиски врски со талибаните, додека истовремено примал значителна помош од САД. Со ова се става под голем знак на прашање способноста на САД да го натераат својот сојузник Пакистан да им го оневозможи на талибаните пристапот до прибежиштата на пакистанско-авганистанската граница.
„Документите кои неодамна протекоа јасно ја потврдуваат позицијата која Авганистан од секогаш ја имал, а тоа е дека успехот против талибаните не се постигнува во авганистанските села, туку со прекинување на нивната финансиска, политичка и идеолошка поддршка преку границата“, се вели во соопштението издадено од канцеларијата на авганистанскиот претседател Хамид Карзаи.
Иако Карзаи не го спомена експлицитно Пакистан, ова се смета за најотвореното обвинение за соработка со талибаните упатено до сега до властите во Пакистан. Во своја одбрана, пакистанскиот амбасадор во САД, Хусаин Хаќани во понеделник изјави дека повеќето од документите се со стар датум и „не ја одразуваат реалноста на теренот“.
Пакистан им помогна на талибаните да ја преземат власта во Авганистан во 1990 година. Иако владата на Пакистан под американски притисок јавно се одрече од групата во 2001 година, повеќето аналитичари веруваат дека Пакистан и натаму одбива целосно да ги прекине врските со талибаните, затоа што тие можат да бидат многу корисни сојузници во Авганистан кога ќе си заминат западните сили. /крај/ссе/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја поради што понекогаш се појавуваат разни бројки за американската помош за Киев.