Свет
Јапонците го поздравуваат доаѓањето на Американците во Хирошима
Јапонците кои ги преживеале атомските напади врз Хирошима и Нагасаки денеска ја поздравија одлуката на САД за првпат да испрати делегација на свеченоста по повод одбележувањето на 65-годишнината од нападите.
Јапонците кои ги преживеале атомските напади врз Хирошима и Нагасаки денеска ја поздравија одлуката на САД за првпат да испрати делегација на свеченоста по повод одбележувањето на 65-годишнината од нападите.
Американскиот амбасадор во Токио, Џон Рус, во петок ќе положи венец во Хирошима, но нема да одржи говор.САД досега никогаш не испратиле извинување за атомските напади на Хирошима и Нагасаки.
-„Најдобро нешто што можат да направат е да се извинат, но се сомневам дека тоа ќе се случи“ – рекол генералниот секретар на сојузот на здруженијата на тие што ги преживеале нападите, Теруми Танака, кој како 13-годишно момче бил сведок на нападот врз Нагасаки.
Американската војска на 6. август 1945 година ја фрли првата атомска бомба во историјата врз индустрискиот град Хирошима, кога загинаа 140 илјади луѓе. Втората бомба е фрлена три дена подоцна врз Нагасаки. Тогаш загинаа уште 80 илјади луѓе./крај/б/бч/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.