Свет
Викиликс со нов загадочен фајл
Интернет сајтот Викиликс(WikiLeaks), кој објави доверливи информации за војната во Авганистан, постави на својот сајт голем заклучен фајл под наслов „Обезбедување“.
Интернет сајтот Викиликс(WikiLeaks), кој објави доверливи информации за војната во Авганистан, постави на својот сајт голем заклучен фајл под наслов „Обезбедување“.
Тоа, како што јавува Асошиејтед прес, ги поттикна шпекулациите дека луѓето што стојат зад таа организација се подготвени да објават уште доверливи информации доколку властите продолжат да ги попречуваат.
Фајлот од 1,4 гигабајти, е поголем 20 пати од 77.000 доверливи американски документи што Викиликс ги објави на интернет минатиот месец, па експертите за декодирање велат дека е речиси невозможно да се дешифрира освен доколку Викиликс сам не ја открие шифрата.
Блогерите и новинарите имаат разни претпоставки за содржината на фајлот.
Некои тврдат дека тука се наоѓаат околу 15.000 извештаи на разузнавачките служби за кои сопствениците на сајтот рекоа дека ги имаат, но дека сè уште не ги објавиле.
Други, оценувајќи ја големината на фајлот, сметаат дека станува збор за 260.000 доверливи дипломатски депеши до кои наводно имал пристап аналитичарот за воено-разузнавачки прашања Бредли Менинг.
Портпаролот на Стејт департментот Пи Џеј Кроули во четврток потврди дека владата се сомнева дека Викиликс има барем некоја од разменетите пораки меѓу државните функционери.
Самиот Викиликс не сака да соопшти што се наоѓа во блокираниот фајл. Главниот уредник на сајтот Џулијан Асанж во едно телевизиско интервју на почетокот на неделата исто не коментираше, но додаде:
„Знаете, можеме да замислиме дека во слична ситуација можеби вреди да се обезбедиме да не исчезнат важни делови од историјата“, рече Асанж.
Викиликс, кој објавува официјални и доверливи материјали, одбива да разговара за овој фајл, неговата содржина или кога би можел да биде отворен за јавноста. /крај/ап/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.