Свет
Изгоре уште една воена база крај Москва
Уште една воена база во Московскиот воен округ во која биле складирани средства на военото воздухопловство, уништена е како последица на силените пожари.
Уште една воена база во Московскиот воен округ во која биле складирани средства на военото воздухопловство, уништена е како последица на силените пожари.
Како што јави агенцијата РИА Новости, државниот обвинител предложил обвинение против командантот на базата, Јуриј Черних за небрежност.
И овој пожар се случил на 29-ти јули, истиот ден кога изгоре исто така база на руската воено-поморска авијација во областа Колома близу Москва, што беше обелоденето исто така преку соопштението на Државниот обвинител, кога изгореа 13 складишта со средства за разни намени, 17 отворени простори за складирање на опрема и возилата во нив.
Во врска со тој пожар рускиот претседател Дмитриј Медведев ги деградираше и издаде наредба за отпуштање од армијата на голем број високи офицери на руската воена морнарица, а командантот на морнарицата, адмирал Владимир Висоцки беше предупреден за непреземените соодветни дејствија.
„Во врска со пожарот во 3370-та Централна база за чување воздушно-десантна опрема и имот на војската, обвинителството на Министерството за одбрана ја заврши истрагата во која учествуваа службени лица од законодавните служби за заштита од пожар.
Во текот на истрагата беше откриен дека командантот на базата, полковник Јуриј Черних во услови на висока опасност од пожари не ги презел неопходните мерки за противпожарна заштита на воените имоти“, стои во соопштението.
Според обвинителството, спротивно на нормите, не биле превземени задолжителните мерки, односно не бил обезбеден сигурносен појас околу базата и не била отстранета сувата трева и вегетација околу неа. Исто така, било констатирано и дека противпожарната заштита во самата база била само половично екипирана и комплетирана.
РИА Новости, повикувајќи се на извори од прес-службата на министерството за одбрана, објави дела во пожарот на 29-ти јули кој бил предизвикан со силните ветришта кои донеле пламен од близок шумски пожар било уништено големо количество воена техника, а материјалната штета била многу голема./крај/форум/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите, кои ќе траат шест недели, а ќе гласаат речиси 970 милиони
Денеска, почнаа најобемните избори во светот, а речиси 970 милиони регистрирани гласачи во Индија учествуваат во овој огромен процес, кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарда жители. Гласачите, всушност, не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави „Дојче веле“.
На натпреварот учествуваат шест национални партии, 57 партии од индиските сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формира сојуз од 28 партии, наречен Индиски национален развој – инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду-мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира кога ќе се разјасни неговата природа.
„Во секој случај, без разлика на сѐ, продолжуваме да се залагаме за воздржаност од двете страни за да нема дејства што би предизвикале натамошна ескалација на тензиите во регионот“, рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала „Шахед“ од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.