Свет
Багдадските сообраќајци се новата мета на Ал Каеда
Сообраќајните полицајци во Багдад бараат посебни чувари за нив, откако изминатава недела беа убиени најмалку 12 од нив во напади од автомобили во движење, од кои двајца во понеделник, јавува Асошиејтед прес.
Сообраќајните полицајци во Багдад бараат посебни чувари за нив, откако изминатава недела беа убиени најмалку 12 од нив во напади од автомобили во движење, од кои двајца во понеделник, јавува Асошиејтед прес. Безбедносните служби за нападите ја обвинија Ал Каеда во Ирак. Напаѓачите најчесто во нападите употребувале пиштоли со придушувачи, освен во понеделникот, кога со рачна бомба усмртиле двајца сообраќајци раниле уште петмина други пред полициска станица во западен Багдад. Целта им била да предизвикаат хаос во сообраќајот во Багдад и да ги засрамат властите кои се фалат со подобрена безбедност. Повеќето сообраќајни полицајци не се вооружени, што е зачудувачки за еден од најнасилните градови на светот. Сега тие бараат автоматски пушки и друга опрема за заштита, како и директна заштита од илјадниците тешко вооружени полицајци и војници распоредени ширум престолнината на Ирак. „Точно е дека сообраќајците се вооружени само со пиштоли, но сега ќе добијат и автоматски пушки“, вели полицискиот генерал-бригадир Ниџим Абед Џабер, главен портпарол на сообраќајната полиција. „Но, борбените дејствија не се дел од нивната работа, тие се мирни луѓе кои се тука да им помогнат на граѓаните“. Работата на багдадските сообраќајци, воочливи поради нивните бели кошули и темно сини пантолани и капи, не беше лесна ниту пред да стана жртви на терористите. Тие секојдневно се борат со хаосот на пренатрупаните улици и тоа на просечни температури од 50 Целзиусови степени, а често беа колатерални жртви на престрелките и бомбашките напади. /крај/ап/ссе/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Ерменија се согласи да му врати на Азербејџан четири села во пограничната област
Портпаролот на азербејџанското Министерство за надворешни работи Ајкан Хаџизада соопшти дека Ерменија се согласила да му врати на Азербејџан четири села кои се наоѓаат на нивната заедничка граница.
„Како резултат на осмиот состанок на државните комисии за демаркација на државната граница меѓу Азербејџан и Ерменија, Ерменија се согласи да врати четири села во Азербејџан кои беа под окупација од почетокот на 1990-тите“, рече Хаџизада на социјалната мрежа Х.
Азербејџанските власти претходно изјавија дека враќањето на селото е неопходен услов за мировен договор што ќе стави крај на тридеценискиот конфликт меѓу двете земји, кои беа дел од Советскиот Сојуз.
Свет
Русија и Јордан предупредуваат на опасност од регионална ескалација
Русија вели дека имала контакт и со Израел и со нејзиниот сојузник Иран. Министерот за надворешни работи Сергеј Лавров изјави дека Русија јасно му ставила до знаење на Израел дека „Иран не сака ескалација“ како дел од овие разговори.
Јордан, кој ја дели границата со Израел и одигра улога во одбивањето на иранските ракетни и дронови напади минатиот викенд, исто така предупреди на „опасноста од регионална ескалација“ и повика на прекин на израелско-иранската одмазда.
„Ги осудуваме сите дејствија кои се закануваат да го вовлечат регионот во војна“, рече јорданскиот министер за надворешни работи Ајман Сафади. Низ Персискиот Залив од Иран, Обединетите Арапски Емирати велат дека мора да се најдат значајни решенија за тековните спорови и кризи на Блискиот Исток.
Нејзиното министерство за надворешни работи, исто така, повикува конфликтите да се решаваат преку дијалог и дипломатски канали.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.