Свет
Технолошки експерт во САД осуден за шпионажа за Кина
Поранешниот инженер кој работеше на одржување на американскиот бомбардер „Б-2“,во понеделник е прогласен за виновен за продавање на државни тајни на Кина, јавува Асошиејтед прес
Експертот, 66-годишниот Ношир Говадија, е виновен што го искористил своето знаење за „стелт“ технологијата (невидлива за радарите) при дизајнирањето на компонента за кинеска крстосувачка ракета, при што заработил најмалку 110.000 долари. Тој наводно ги искористил парите за да го намали притисокот од месечната рата од 15.000 долари за повеќемилионската куќа која неодамна ја изградил на северниот брег на пацифичкиот остров Мауи. Сега се соочува со казна доживотен затвор. Обвинителството соопшти дека Говадија најмалку два пати предал државни тајни: во текот на „Пауерпоинт“ презентацијата на неговата технологија наменета за крстосувачки ракети и кога ја прикажал ефективноста на неговата технологија во споредба со постоечките американски ракети „воздух – воздух“. „Овој случај е уникатен поради тоа што ние водиме процес против знаење„поточно против самиот концепт на извоз на знаењето стекнато во целост или делумно при работењето на обвинетиот во некоја класифицирана програма на САД“, вели помошник-главниот обвинител на САД, Кен Соренсон. „Ако секој може ваквото знаење да го изнесе и рекламира на меѓународниот пазар и тоа да го чува во тајност од засегнатите влади, тогаш навистина ќе бидеме во неволја“, заклучува тој. Адвокатите на Говадија признаваат дека нивниот клиент им го продал спорниот дел на Кинезите, но дека тој бил изработен користејќи јавно достапни информации и најавија жалба. Говадија, кој се наоѓа во федерален притвор од октомври 2005 година, беше осуден по 14 од 17 точки на тужбата, меѓу кои се перењето пари и прекршување на законите за трговија со оружје, а ослободен е од тужбата дека намерно предал информација за националната одбрана. Пресудата на Говадија ќе му биде изречена во ноември. Овој е еден од серијата случаи кои во САД се водат против луѓе кои шпионирале во Корист на Кина, што го потврдува огромниот разузнавачки интерес кој Пекинг го има за САД. Во март, американскиот инженер со кинеско потекло Донгфан „Грег“ Чанг беше осуден на 15 години затвор. Откако беше осуден за економска шпионажа и други федерални прекршоци. Истрагата дозна за Чанг додека го следеле Чи Мак, кој во 2007 година беше осуден за обид за извоз на американска технологија во Кина . мак беше осуден на 28 години затвор. /крај/ап/ссе/ Copyright 2010 makfax. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бран насилство на Хаити, илјадници мртви, премиерот поднесе оставка
Премиерот на Хаити Ариел Хенри официјално поднесе оставка од сегашната функција, соопшти денеска неговиот кабинет, а во меѓувреме земјата ќе ја води преоден совет кој се обидува да го врати мирот во земјата среде пустошот предизвикан од широкото насилство на бројни банди.
Министерот за финансии Патрик Бојсверт привремено ќе ја извршува функцијата премиер, објавено е во официјалниот национален весник.
Во писмото од средата, кое беше објавено денеска на социјалните мрежи, Хенри напиша дека неговата администрација „и служела на нацијата во тешки времиња“.
Владата во заминување на Хаити го официјализираше процесот на транзиција пред две недели, еден месец откако Хенри ја објави својата оставка додека беше надвор од земјата, бидејќи вооружените банди се заканија дека ќе го заземат главниот град.
Насилството од бројни банди, кое со години се влошуваше, ескалира на почетокот на оваа година.
Според неодамнешните податоци на Канцеларијата на Обединетите нации на Хаити (БИНУХ) од јануари до март оваа година загинале или се ранети повеќе од 2.500 луѓе, што е за 53 отсто повеќе отколку во последните три месеци од 2023 година.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Свет
Принцот Вилијам проговори за Кејт Мидлтон: „Жал ми е што не е тука со нас“
При посетата на едно училиште во Велика Британија, принцот Вилијам се извини што неговата сопруга Кејт Мидлтон не била со него.
Конечно се врати на обврските откако извесно време беше на пауза поради приватни причини.
Во разговор со член на персоналот, Вилијам накратко ја спомна сопругата Кејт.
„Жал ми е што Кејт не може да биде тука со нас. Таа сакала”, рекол Вилијам.
Медиумите потсетуваат дека минатиот месец принцезата Кејт Мидлтон објави дека се бори со рак, но во видеото кое го објави не прецизираше за каков вид на рак се работи.
По Божиќ се повлече од јавноста, а во јануари имаше операција на абдоменот.