Свет
Индиската полиција уби тинејџер во Кашмир
Еден тинејџер загина, а уште најмалку шест луѓе се повредени кога индиските безбедносни сили отворија оган на стотиците анти-индиски демонстранти, кои не го почитуваа полицискиот час во индискиот дел на Кашмир, јавува Асошиејтед прес
Последните насилства се дел од двомесечните немири во покраината, кои однесоа најмалку 52 човечки животи. Повеќето од жртвите се убиени од безбедносните сили во текот на протестите против владеењето на Индија врз претежно муслиманската територија на падините на Хималаите. Според полициски извори, денешната престрелка избувнала откако демонстрантите почнаа да фрлаат камења врз безбедносните сили, лути поради тоа што не им било дозволено да стигнат до џамијата во селото Трехгам, северно од главниот град на Кашмир, Спрингар, на првата петочна утринска молитва во муслиманскиот свет месец Рамазан. На демонстрантите набргу им се придружиле уште илјадници жители на околните села, што довело до уште пожестоки судири. Ситуацијата во Кашмир во изминативе неколку недели наликува на онаа од 1980-те години, кога протестите против управата на Њу Делхи доведоа до вооружен конфликт, кој до денес однесе преку 68.000 човечки животи, повеќето цивили. Кашмир е поделен помеѓу Индија и Пакистан, но и двете држави тврдат дека им припаѓа ним во целост. Локалното население, пак, кое е претежно муслиманско, бара отцепување од Индија и создавање на независна држава или припојување кон муслиманскиот Пакистан. /крај/ап/ссе/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.