Свет
Се заострува штрајкот на јавната администрација во Јужна Африка
Илјадници јавни службеници во Јужна Африка излегоа на мирни протести со барање за повисоки плати, а управата на полицијата се обиде да ги спречи своите вработени да им се приклучат, јавува Асошиејтед прес
Илјадници јавни службеници во Јужна Африка излегоа на мирни протести со барање за повисоки плати, а управата на полицијата се обиде да ги спречи своите вработени да им се приклучат, јавува Асошиејтед пресМасовните протести, организирани од синдикатите, следуваат откако штрајкот на вработените во болниците и училиштата влезе во втората недела. За сега нема решение на повидок што, според синдикатите, значи дека уште повеќе илјади јавни службеници ќе му се приклучат на штрајкот.Синдикатот на полицијата најави дека полицајците ќе започнат да штрајкуваат во сабота, што предизвика паника во земјата со една од највисоките стапки на насилен криминал во светот: 50 убиства на ден. Како одговор на најавата, раководството на полицијата денеска успеа да добие судска наредба со која на полицијата и се забранува да штрајкува. Ова значи дека оние полицајци кои ќе се определат за штрајк, ризикуваат да бидат отпуштени. Полицискиот синдикат веднаш ангажирал адвокати кои ќе се борат против оваа судска одлука..Моќниот Конгрес на јужноафриканските синдикати најави дека оние нејзини членки кои не штрајкуваат , ќе му се3 приклучат на штрајкот најдоцна до наредната недела. Од таму, исто така, потсетуваат дека Конгресот не сакал да се оди на штрајк и на своите членови им препорачал да ја прифатат понудата на владата за покачување на платите од седум проценти, плус 700 ранди (96 долари) за храна и превоз. Работниците, сепак, не отстапија од своето барање за покачување од 8,6 проценти и 1.000 ранди за храна и превоз. Останува нејасно до кога ќе трае штрајкот. Штрајк сличен на овој во 2007 година траеше еден месец. Поради кризата настаната од штрајкот, владата ангажира доброволци кои им служат храна на болните во болниците, им менуваат пелени на бебињата и им помагаат на повозрасните пациенти. Приватните болници, кои не се засегнати од штрајкот, преземаат дел од потешките медицински случаи. Јужна Африка беше силно погодена од глобалната рецесија, при што беа изгубени преку 900.000 работни места само во текот на минатата година, згора на веќе огромната стапка на невработеност. Владата своето одбивање да ги покачи платите го правда со фактот што сака парите да ги искористи за создавање на нови работни места, а не за зголемување на платите на оние кои веќе имаат работа. /крај/ап/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.
Свет
Фон дер Лајен ги повика Иран, Израел и нивните сојузници да се воздржат од ескалација
Претседателката на Европската комисија, Урсула фон дер Лајен, ги повика Иран, Израел и нивните сојузници да се воздржат од ескалација на Блискиот Исток.
„Апсолутно е неопходно регионот да остане стабилен и сите страни да се воздржат од понатамошни дејства“, рече Фон дер Лејен за време на посетата на Лапенрат со финскиот премиер Питер Орп, на 25 километри од руската граница, пренесе „Ројтерс“.
Италијанскиот министер за надворешни работи, Антонио Тајани, повика на апсолутна деескалација по информациите дека Израел го нападнал Иран велејќи дека неговите колеги од Г7 ќе разговараат за тоа на состанокот на Капри.
„Ги повикуваме сите да бидат внимателни за да се избегне ескалација“, изјави тој за РАИ, пренесе „Гардијан“. Г7, која ги вклучува Велика Британија, Америка, Франција, Германија, Јапонија и Канада, сака апсолутна деескалација на Блискиот Исток, посочи Тајани.
Оман, кој дејствуваше како посредник на Блискиот Исток, го осуди израелскиот напад на иранска територија, како и „повторените израелски воени напади во регионот“, соопшти Министерството за надворешни работи на земјата.
Неименуван ирански функционер изјави претходно денеска, откога светските медиуми објавија дека Израел извршил напад на иранска територија и дека одекнале експлозии во иранскиот град Исфахан, но дека не е потврдено оти инцидентот бил предизвикан од странство. „Не утврдивме никаков надворешен напад, а истрагата повеќе се наклонува кон некој што се инфилтрира наместо кон напад што дојде надвор од земјата“, рече тој, пренесе „Ројтерс“.
Тој изјави дека Иран нема непосредни планови да му се одмазди на Израел. Американски функционер претходно изјави за Си-ен-ен дека Израел го нападна иранскиот град Исфахан како одмазда за иранскиот напад врз Израел на 13 април, а иранските медиуми објавија дека три беспилотни летала биле соборени над Исфахан, пренесува „Танјуг“.
Свет
(Видео) Дел од вулкан се заканува да се урне и да предизвика цунами: во тек голема евакуација во Индонезија
Жителите што живеат на индонезискиот остров Сулавеси денеска се евакуирани поради опасност од ширење пепел, исфрлање карпи, жежок вулкански облак и потенцијално цунами, пренесе АП.
Властите наредија повеќе од 11.000 луѓе да ги напуштат своите домови, но досега тоа го направиле само околу 1.000 луѓе.
Indonesia volcano erupts, prompting local evacuations
📹: FRANCE 24 English
💻: Tan Wee Guan
🎶: Envato#borneobulletin #southeastasia #asean #sulawesi #Indonesia #mountruang #volcano #erupts #prompting #local #evacuations #video #viral pic.twitter.com/ytfqTkjqKm— Borneo Bulletin (@borneo_bulletin) April 19, 2024
Меѓународниот аеродром во градот Манадо, кој се наоѓа на помалку од 100 километри од вулканот Маунт Руанг, останува затворен поради вулканската пепел во воздухот.
Сателитските снимки од Агенцијата за метеорологија, климатологија и геофизика покажуваат дека пепелта се проширила на запад, северозапад, североисток и на југоисток покривајќи ги Манадо и Северна Минахаса.
„Продолжуваме да го следиме развојот на ситуацијата по ерупцијата на Руанг и работиме во координација со релевантните актери со цел да се предвидат активности за да се овозможат безбедност и удобност во воздушниот сообраќај“, рече шефот на регионалниот аеродром.
🕵️♂️#Indonesia is on alert for more eruptions of remote 🌋 volcano. pic.twitter.com/A5hO49fPBX
— talk•time (@zoominfire2) April 19, 2024
Официјалните лица стравуваат дека дел од вулканот може да падне во морето и да предизвика цунами, што се случи за време на ерупцијата на тој вулкан во 1871 година.
Во средата Маунт Руанг имаше најмалку пет силни ерупции, што го натера Центарот за вулканологија и процена на геолошкиот ризик да издаде највисоко ниво на тревога.
На граѓаните им беше кажано да останат најмалку шест километри подалеку од вулканот висок 725 метри.
Индонезија, архипелаг од острови, дом на приближно 270 милиони луѓе, има 120 активни вулкани.