Свет
Преглед на печат – Свет
„Њујорк Тајмс“ (САД) – „Невработените над 50 стравуваат дека никогаш повеќе нема да работат“ е еден од насловните текстови на весникот, во кој се вели дека од економскиот колапс наваму, не се создаваат доволно работни места за населението во целина
„Њујорк Тајмс“ (САД)
„Невработените над 50 стравуваат дека никогаш повеќе нема да работат“ е еден од насловните текстови на весникот, во кој се вели дека од економскиот колапс наваму, не се создаваат доволно работни места за населението во целина, а уште помалку за оние кои се во залезот на нивните кариери. Од 14,9 милиони невработени , повеќе од 2,2 милиони се на возраст од 55 или постари. Речиси половината од нив, го цитира весникот Одделот за труд на САД, се невработени шест месеци или повеќе. Стапката на невработеност кај оваа група е на рекордно ниво од 7,3 проценти, што е повеќе од двојно од нивото пред почетокот на рецесијата. „Гардијан“ (Велика Британија)
Весникот на насловната страница го поместува текстот во кој пишува за ветувањето на лидерот на владејачките либерал-демократи, Ник Клег, дека пактот со конзервативците за заедничка влада е само за еден мандат. Оваа изјава на Клег доаѓа по се позачестените поплаки од членството дека партијата го губи својот идентитет поради заедничкото владеење со конзервативците. Лидерот на либерал-демократите, пишува натаму весникот, на вчерашниот состанок со делегатите од оваа партија не дозволил да се критикува коалицијата со конзервативците, изјавувајќи дека нема да предизвикува вештачки кавги со коалиционите партнери, само за да си ја зголеми популарноста во својата партија. „Чајна дејли“ (Кина)
„Кина ја предупредува Јапонија дека ќе има силен одговор“ е насловот на носечкиот текст на денешниот број на овој весник. Во текстот се вели дека предупредувањето од Кина за жестоки противмерки пристигнало откако еден јапонски суд во саботата го продолжи притворот за капетанот на кинескиот влекач, кој, како што тврди весникот, е илегално задржан во Јапонија по сударот во водите недалеку од кинеските острови Диаоју на 7 септември. За ова заменикот-министер за надворешни работи на Кина, Ванг Гуангја го известил и јапонскиот амбасадор во Пекинг, Уичиро Нива. „Москва тајмс“ (Русија)
Притиснат од кампањата на оцрнување на руската национална телевизија, московскиот градоначелник Јури Лужков ги искритикува државните власти за законите имиграција, вети нови метро станици во Москва и си замина на одмор во Австрија, пишува весникот во денешниот број. Телевизијата „НТВ“ која ја започна кампањата на оцрнување сега тврди, како што пренесува весникот, дека градската управа на Москва јаде од раката на Телман Исмаилов, сопственикот на затворениот пазар „Черкизовски“, како и тоа дека градежната компанија „Интеко“, која е во сопственост на сопругата – милијардер на градоначалникот, почнала со својот подем дури откако нејзиниот сопруг стана прв човек на Москва во 1992 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.
Свет
Си-ен-ен: Сателитските снимки покажуваат дека во Исфахан нема поголеми штети
Според сателитските снимки од вселената до кои ексклузивно дојде Си-ен-ен, се чини дека нема поголема штета во воздушната база која наводно била цел на израелскиот напад во Исфахан.
Сателитски снимки се направени околу 10:18 часот по локално време. Се чини дека нема големи кратери во земјата и нема видливи уништени згради. Меѓутоа, за да се знае со сигурност дали има некаква штета, ќе бидат потребни дополнителни визуелни сателитски снимки, пишува Си-ен-ен.
Сликите не се како обичните сателитски снимки бидејќи се создадени од сателит кој испраќа радарски зраци кои можат да поминат низ облаците, како оние што моментално ги спречуваат сателитите да ја сликаат областа. Овие радарски зраци се одбиваат од објектите на земјата и се враќаат назад кон сателитот.
Иранската новинска агенција ФАРС објави дека една од можните цели бил воен радар во воена база во провинцијата Исфахан, а единствената штета од нападот се скршени прозорци во неколку деловни згради.
Сликите исто така покажуваат дека иранските F-14 Tomcats кои во минатото беа стационирани во воздухопловната база во моментов ги нема. Дополнителни архивски сателитски снимки прегледани од Си-ен-ен покажуваат дека тие F-14 Tomcats не биле таму некое време.
Свет
Ерменија се согласи да му врати на Азербејџан четири села во пограничната област
Портпаролот на азербејџанското Министерство за надворешни работи Ајкан Хаџизада соопшти дека Ерменија се согласила да му врати на Азербејџан четири села кои се наоѓаат на нивната заедничка граница.
„Како резултат на осмиот состанок на државните комисии за демаркација на државната граница меѓу Азербејџан и Ерменија, Ерменија се согласи да врати четири села во Азербејџан кои беа под окупација од почетокот на 1990-тите“, рече Хаџизада на социјалната мрежа Х.
Азербејџанските власти претходно изјавија дека враќањето на селото е неопходен услов за мировен договор што ќе стави крај на тридеценискиот конфликт меѓу двете земји, кои беа дел од Советскиот Сојуз.