Свет
Судири меѓу исламистите и владините сили во Сомалија
Жестоки судири меѓу исламистички милитанти и владините сили избиле во четврток во сомалискиот главен град Могадишу, при што загинале 19 луѓе а околу 70 се ранети, јави Assocaited Press.
Жестоки судири меѓу исламистички милитанти и владините сили избиле во четврток во сомалискиот главен град Могадишу, при што загинале 19 луѓе а околу 70 се ранети, јави Assocaited Press.
Милитантите вооружени со минофрлачи и митралези, започнале напади во северниот и јужниот дел од Могадишу. Во битката од страна на владините сили се приклучил и дел од контигентот на мировниците на Африканската унија, кои се обидуваат да ги одбијат нападите на бунтовниците кои сакаат да завладеат со еден од клучните делови од главната сообраќајна врска.
Началникот на Одделението на градската брза помош Али Муса изјави дека досега во болниците биле довезени 19 мртви тела и 68 ранети во борбите.
Сомалија престана да постои како единствена држава со централна влада во 1991 г. Со падот на директорскиот режим на Саид Баре, кој владееше од крајот 1960-те, земјата падна во анархија и брзо се распадна во голем број квази-државни формации. Во моментов, како единствен легитимен орган во земјата меѓународната заедница ја признава Федералната влада на Сомалија, предводена од шеикот Ахмед, но тој контролира само еден мал дел од сомалискиот главен град.
Според меѓународни организации, од почетокот на 2007 г. кога вооружениот внатрешен конфликт во Сомалија ја постигна својата кулминација, во земјата загинаа повеќе од 20 илјади луѓе а околу 1,5 милиони станаа бегалци. Една од најопасните милитантни организации е исламистичката Ал Шабаб која е поврзана со Ал Каеда.
Во Сомалија, е разместен контингент на мировната мисија на Африканската унија (AMISOM) кој брои повеќе од шест илјади војници, претежно од Уганда и Бурудни. Мировниците и владините сили често доаѓаат во жестоки битки со исламистите, при што има и голем број жртви меѓу цивилите. /крај/сн/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.