Одлуката за тоа како ќе продолжи процесот на судење на поранешниот претседател на САД, Доналд Трамп, новиот американски претседател Џо Бајден ќе му ја препушти на Сенатот, соопшти портпаролот на Белата куќа, Џен Псаки.

„ Убедени сме дека Сенатот може да ја исполни својата уставна должност додека работи за американскиот народ. Претседателот Бајден ќе им ги остави механизмите, временската рамка и другите детали за тоа како Конгресот ќе го продолжи процесот на отповикување“, рече Псаки на брифингот за печатот во Белата куќа.

Претседателот на Претставничкиот дом, Ненеси Пелоси, сè уште не го испратила текстот за отповикувањето до Сенатот, а според правилата на тоа тело, судењето на поранешниот претседател ќе започне ден по приемот на одлуката за отповикување.

Бајден претходно ги повика сенаторите да не дозволуваат судењето во Трамп да ги забави преостанатите активности во првите денови од неговиот мандат, како што се гласање за неговата администрација и донесување закони.

Земјотрес со јачина од 7,1 степен според Рихтеровата скала го погоди индонезискиот остров Талауд.Државната агенција за метеорологија, климатологија и геофизика (БМКГ) соопшти дека земјотресот се случил на 134 километри северо-источно од округот Мелонгуана на островот Талауд. Регистриран е на длабочина од 154 километри.

Засега нема извештаи за можни повредени или материјална штета и не е издадено предупредување за цунами.Земјотресите се вообичаени во Индонезија. Земјотрес со јачина од 7,5 степени и цунами во 2018 година, ги погоди заливот Палу и островот Сулавеси, при што загинаа 4.340 луѓе.

Властите во Шангај започнаа со евакуација на населените места во близина на реката Бунд, откако официјалните лица открија најмалку три нови случаи на ковид-19.

Официјалните лица не наведоа колку луѓе биле протерани од таа област во централниот дел на Шангај, но тие го зголемиле бројот на тестови со цел веднаш да спречат малите фокуси да се претворат во големи, објави Гардијан.

Заразени се две лица кои работат во болници, а исто така се и соседи, додаваат официјални лица, додека кај нивните контакти е пронајден трет случај.

Се дезинфицираат градските автобуси, пред жителите на иселената населба да бидат однесени во хотел, а некои патишта се затворени.