Свет
Јанукович го убедувал Камерон дека Украина и натаму е демократска
Украинскиот претседател Виктор Јанукович го увери британскиот премиер Дејвид Камерон дека Украина ќе остане демократска држава и покрај неодамнешното поништување на реформите од 2004 година со кои беше ограничена моќта на претседателот, пренесува Риа Новости
Украинскиот претседател Виктор Јанукович го увери британскиот премиер Дејвид Камерон дека Украина ќе остане демократска држава и покрај неодамнешното поништување на реформите од 2004 година со кои беше ограничена моќта на претседателот, пренесува Риа НовостиУкраинскиот уставен суд донесе одлука дека реформите биле неуставни и ги врати овластувањата кои Јанукович ги имаше во текот на неговите претседателски мандати пред 2004 година. Реформите беа спроведени по таканаречената „Портокалова револуција“.„Одлуката на Уставниот суд ја врати Украина во правните рамки. Јас најмногу од сите сакам процесите во Украина да бидат транспарентни и демократски“, му рекол Јанукович на Камерон во денешниот телефонски разговор.Опозицијата обвинува дека одлуката, всушност, значи дека Украина се претвора во авторитарна дава, слично на нејзината сосетка, Белорусија. /крај/риа/сс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.