Свет
Шефот на британската дипломатија во Москва
Британскиот министер за надворешни работи, Вилијам Хејг, на неговата прва посета истакна дека Лондон и Москва треба да соработуваат во справувањето со глобалните безбедносни прашања и покрај разликите поради кои двете земји ги заладија односите, пренесува Асошиејтед прес
Британскиот министер за надворешни работи, Вилијам Хејг, на неговата прва посета истакна дека Лондон и Москва треба да соработуваат во справувањето со глобалните безбедносни прашања и покрај разликите поради кои двете земји ги заладија односите, пренесува Асошиејтед пресПрвата посета на Хејг од кога ја презема функцијата се одвива под големо внимание на светската јавност, во очекување на знаци на подобрување на односите помеѓу Русија Британија. Двете земји имаат затегнати односи поради неколку спорни прашања, меѓу кои се фаталното труење на поранешниот руски разузнавач Александар Литвиненко во Лондон во 2006 година. Хејг по разговорот со својот руски колега Сергеј Лавров призна дека проблемите и натаму остануваат, но истакна дека Британија и Русија мора заеднички да работат на нивното решавање. „Нашите земји имаа неколку сериозни разидувања во минатото. Ние би требало да сме способни да признаеме дека разликите остануваат и трпеливо да им се посветиме, преку дијалог и дипломатија“, рече тој на прес-конференцијата. И Лавров на јавноста и се обрати со сличен тон и рече дека случајот со Литвиненко и другите разлики не би требало да ја попречуваат соработката на други прашања.„Ние не гледаме на преостанатите проблеми како на пречка за натамошната соработка“, вели Лавров. Тој додаде дека Русија е подготвена да соработува со Лондон на случајот на Литвиненко, но под услов британската влада да ги сподели документите со нив и Москва да може да делува според своите закони. Москва се уште одбива да го екстрадира главниот осомничен за убиството на Литвиненко, поранешниот офицер на КГБ Андреј Луговои, бидејќи има уставна забрана за екстрадиција на руски граѓани. Литвиненко умре на 26 ноември 2006 година, откако се напил час затруен со смртоносна доза на радиоактивни изотопи полониум-210. Од неговата смртна постела Литвиненко го обвини Кремљ за организирање на труењето, а британската полиција како главен осомничен го посочи Луговои. И Луговои и Кремљ ги отфрлија обвинувањата. Хејг беше поканет во Москва откако рускиот претседател Дмитри Медведев и британскиот премиер Дејвид Камерон заклучија дека сакаат да развиваат „посилни и попродуктивни односи“ при нивната средба на самитот на Г-8 во Канада на почетокот на овој месец. /крај/ап/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полска истражува наводна руска шпионажа
Полската агенција за внатрешна безбедност изврши претреси како дел од истрагата со други европски безбедносни служби за наводна руска шпионажа, беше соопштено денеска.
Полска, западниот воен центар за снабдување на Украина, која се бори против руската инвазија, вели дека станала главна цел на руските шпиони. Ја обвинува Москва и нејзиниот сојузник Белорусија дека се обидуваат да ја дестабилизираат.
„Документирани се акции насочени кон организирање проруски иницијативи и медиумски кампањи во земјите на ЕУ“, се вели во соопштението, повикувајќи се на интернет порталот voice-of-europe.eu, за кој велат дека објавил проруски материјали.
Претресите беа извршени во вторникот во Варшава и Тихи во западна Полска, се вели без дополнителни детали.
Операцијата била координирана со други земји, особено со партнери од Чешка, се наведува.
Во средата, чешката влада санкционираше две лица, меѓу кои и прорускиот украински политичар Виктор Медведчук и интернет порталот voiceofeurope.com, за, како што рече, водење на операција за проруско влијание во Европа.
Последните дејствија произлегоа од истрагата завршена во јануари оваа година, во која полски државјанин беше обвинет под сомнение дека шпионирал за руските специјални служби.
Свет
Во Франција за Велигден ќе биде распоредена полиција пред секоја црква
Францускиот министер за внатрешни работи Жералд Дарманин денеска им нареди на полициските началници да распоредат сили за ред пред сите католички и протестантски цркви за време на Велигден.
Во СМС порака до полициските началници, Дарманин напиша дека „многу високото“ ниво на терористичка закана и „продолжувањето на тензиите“ на меѓународната сцена, особено со војната во Газа и нападот во Москва, „бара исклучителна будност“. за време на велигденските празници овој викенд.
Тој, исто така, додаде дека е неопходно да се воспостави „визуелна контрола на луѓето кои влегуваат во верските објекти за да се откријат сомнителни лица“ и дека „посебно внимание треба да се посвети на „возилата стационирани во близина на големите собири“.
Дарманин дал инструкции за „зголемено физичко присуство на полицијата пред секоја црква или еврејски храм“ од петок до крајот на неделата.
Од почетокот на годината во Франција спречени се два напади. Националното обвинителство за тероризам објави дека еден од тие напади вклучува „џихадистичка идеологија“ насочена против католичка институција.
Велигден, со кој се слави Христовото воскресение, е најголемиот христијански празник. Католиците и протестантите го слават овој викенд, а православните верници на 5 мај.
Регион
„Во семејството не смее да постои ниту една тајна, верувам дека детето е со некого и дека не е надвор“: Јуриќ за случајот со исчезнатата Данка
Основачот на Центарот за исчезнати и малтретирани деца, Игор Јуриќ, учествувајќи во емисија во живо, кажа нови детали од истрагата за случајот со исчезнатата Данка Илиќ објаснувајќи зошто потрагата на терен била прекината по 27 часа.
„Не, тоа апсолутно не значи дека некои работи се откриени, напротив, значи само дека нема потреба да се троши работна сила и да се насочува енергија кон тој дел од теренот, кој е целосно и темелно прегледан. Штом немаме дополнителни информации, истрагата продолжува, сега истрагата тргна во друга насока и се вршат некои оперативни дејства поврзани со сознанијата за самото девојче“, изјави Јуриќ.
Тој вели дека во случаите на исчезнување на детето родителите мора да споделат сè со полицијата, дури и најинтимните семејни тајни, кои може да бидат важни во тие моменти.
„Кога зборуваме за овие ситуации, кога детето ќе исчезне, едноставно, не смее да има никакви тајни во семејните односи, напротив, треба целосно да ѝ помогнете на полицијата. Ако имате каква било ситуација што може да доведе до несакан настан, во случајот исчезнување мало девојче, мора да кажете сè што знаете“.
Основачот на Центарот за исчезнати и малтретирани деца вели дека во деновите кога не знаеле каде е ќерка му Тијана Јуриќ посакувал некој да излезе и да побара откуп.
„Навистина верувам и го чекам соопштението на полицијата за да видам кое е конечното решение за оваа драма, но, дефинитивно, бев среќен што детето не беше пронајдено на тој простор, особено таа прва вечер бидејќи тешко дека детето може да преживеало таму во тие услови. Кога исчезна Тијана, се надевавме дека некој ќе ни побара откуп и дека е жртва на киднапирање, некако сега се надевам дека има шанси детето поради некоја причина да е со некои луѓе и да е уште живо. Таа надеж постои во нашите глави, но од нашето искуство мораме да бидеме подготвени за најлошите вести.
Според него, добро е што е пребарана областа и последната надеж е дека некој е вмешан и дека детето е скриено поради некоја причина.
„Сега очекувам дека оперативците на МУП ќе завршат добра работа и дека, конечно, ќе ја дознаеме вистинската вистина.
Игор Јуриќ зборуваше и за активирање на системот „Најди ме“.
„Системот го активираат началниците на полициските одделенија, во случајот тоа беше полициското одделение каде што детето исчезна. Кога ќе се процени дека детето е во опасност, системот се активира. Она што беше специфично во овој случај е дека детето е екстремно мало, самите околности беа многу чудни и полицијата бргу реагира и поради возраста на детето, темелно го пребара теренот.
„Полицијата се погрижила да не го загрози дополнително животот на детето и да ги истражи сите околности, детето да не биде жртва на киднапирање, да не се бара откуп и слично, затоа системот бил активиран околу 7 часот“, објаснува тој.