Свет
"Сименс" и "Институто" го загубија првиот меч за пасошите
По тричасовна расправа, заврши рочиштето на австриската и на италијанската фирма против МВР
По тричасовна расправа, заврши рочиштето на австриската и на италијанската фирма против МВР
Незадоволните фирми се уште размислуваат дали да ја тужат државата со цел да го поништат тендерот за пасошите кој според нив, не е законски спроведен
Судот по тричасовна расправа го одби предлогот на “Сименс бизнис сервисис” од Австрија и “Институто полиграфико” од Италија за изрекување привремена мерка со цел да се спречи реализацијата на договорот за изработка на новите лични документи за македонските граѓани. Двете незадоволни страни сў уште размислуваат дали да ја тужат државата со цел да го поништат последниот тендер за пасошите. Правните застапници на двете фирми вчера заминаа незадоволни од исходот на судското рочиште.
"На овој начин се дерогира судската заштита во однос на конечните решенија во тендерска постапка", вели адвокатката Данче Чакаровска-Гроздановска. Според застапникот на "Сименс", со недонесувањето одлука за стопирање на реализацијата на договорот ќе се нанесе огромна штета, со што се остава можност Македонија да добие неквалитетни пасоши кои нема да ги задоволат европските стандарди. Таа не знае дали фирмата што ја застапува ќе поднесе тужба против државата, со оглед на тоа дека судскиот процес би траел долго, а за тој период ќе бидат изработени новите документи. Најголемите забелешки на фирмата се однесуваат на тоа што МВР не им дозволило увид во тендерската документација, поради што не било можно да се утврди фактичката состојба.
"Без претходно доставен предмет од МВР врз основа на кој судот ќе ги цени наводите, одлуката комплетно е донесена без утврдена фактичка состојба и без изнесување докази”, вели Гроздановска. Судот ги отфрли речиси сите наводи што ги изложија двете незадоволни фирми. Од вкупно 13 забелешки кои беа изнесени од застапничката на “Сименс” за непочитување на критериумите во тендерската документација, уважена беше само една која беше поткрепена со материјален доказ. Според овој доказ, не е почитуван условот од тендерската документација за изработка на новите документи на поликарбонатска основа, со оглед на тоа дека “ГиД” понудиле подобрена варијанта на поликарбонат со полиестер, која е поевтина и со тоа ги довеле во нерамноправна положба другите понудувачи кои дале повисока цена.
Судот ги отфрли и доказите поднесени од страна на застапничката на “Институто полиграфико”, адвокатката Пандора Кимова, која тврдеше дека во Европа се покажало дека ваквите пасоши лесно се фалсификуваат и во прилог на тоа понуди текст на Би-Би-Си објавен на Интернет дека државјанин на Литванија бил фатен со фалсификуван пасош, а се повика и на текстови објавени во медиумите. Таа тврдеше дека се направени пропусти од страна на Комисијата за јавни набавки, но и од Второстепената комисија која ги разгледувала жалбите и дека при бодувањето грешно се оценети самите понуди. Сепак, судот сметаше дека е пропуст тоа што незадоволната страна не ангажирала експерт, кој ќе ја провери регуларноста на тендерската постапка. Според претставникот на Јавното правобранителство, кој ја застапуваше државата, фирмите на вчерашното рочиште, место докази, изнесоа само претпоставки за квалитетот на најдобриот понудувач. "Предлагачите со ништо не дадоа до знаење во што се состои нивната ненадоместлива штета, додека, од друга страна, сосема е јасно дека Македонија ќе претрпи штета доколку не го реализира договорот”, истакна заменик-јавниот правобранител Драги Шуплиновски.
(Д.Т.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите, кои ќе траат шест недели, а ќе гласаат речиси 970 милиони
Денеска, почнаа најобемните избори во светот, а речиси 970 милиони регистрирани гласачи во Индија учествуваат во овој огромен процес, кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарда жители. Гласачите, всушност, не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави „Дојче веле“.
На натпреварот учествуваат шест национални партии, 57 партии од индиските сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формира сојуз од 28 партии, наречен Индиски национален развој – инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду-мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира кога ќе се разјасни неговата природа.
„Во секој случај, без разлика на сѐ, продолжуваме да се залагаме за воздржаност од двете страни за да нема дејства што би предизвикале натамошна ескалација на тензиите во регионот“, рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала „Шахед“ од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.