Свет
Почетната цена за скопските аптеки е 3,5 милиони евра
Јануарскиот рок, најверојатно, ќе се пробие, продажбата ќе се случи во февруари
Јануарскиот рок, најверојатно, ќе се пробие, продажбата ќе се случи во февруари
Газдата што ќе ги купи 22-те аптеки ќе има обврска да земе под закуп уште 16 аптеки, кои функционираат во рамките на поликлиниките и на амбулантите
ЈАСМИНА ЈОВАНОВСКА
Градски аптеки ,,Скопје" ќе се продаваат за околу 3,5 милиони евра. Оваа сума, како што неофицијално дознаваме, е почетната вредност со која на Берзата ќе стартува лицитацијата на најатрактивните градски аптеки во земјава. Подготовките околу тендерот за продажба на скопските аптеки влегува во завршна фаза и според информации од Министерството за економија, берзанското наддавање дефинитивно ќе се случи во февруари. Датумот сў уште не е прецизиран за повторно да не се изјалови работата, а со тоа да се пролонгира продажбата.
Иако никој не го соопштува денот кога ќе се спроведе најголемата лицитација на државните аптеки, дефинитивно е јасно дека Министерството за економија ќе ја пробие и јануарската најава за нивно отуѓување. Одложувањето на продажбата не е само поради големите апетити на одделни фармацевтски моќници, туку и поради апетитите на државата Градски аптеки ,, Скопје" да ги продаде по што е можно поголема цена. По минатогодишното купување на аптеката во ГТЦ, сега се бара начин како цената на просторот што е во сопственост на Градски аптеки да се надуе што е можно повеќе. Па така, според најновиот модел за приватизација, од 36 објекти на продажба ќе одат 22 аптеки, и тоа во пакет, а не 20 како што беше најавено првично. Според неофицијални извори, бројката е поголема за две аптеки, бидејќи аптеката "8 Септември" и дирекцијата ќе се продаваат како посебни целини, како и една аптека во Карпош која има и галенска лабораторија.
Другите 16 аптеки, кои функционираат во рамките на поликлиниките и на амбулантите, ќе одат под концесија, модел за кој од искуството од другите аптеки во земјава се покажа како најдобар за задржување на достапноста на лековите од позитивната листа. Газдата што ќе ги купи 22-те аптеки ќе има обврска да ги земе под закуп и овие 16 аптеки. Идниот сопственик ќе има обврска да ги задржи и сите вработени во наредните пет години. Станува збор за околу 210 лица: фармацевтки, техничари и друг персонал.
Продажбата на скопските аптеки, кои опслужуваат една третина од населението во земјава, ќе се одвива според истиот модел како и за другите аптеки во земјава, кои се продадоа пред една година. На лицитација ќе одат 75 отсто од почетната вредност на аптеките, другите 25 отсто ќе им бидат дадени на вработените и тоа пет отсто бесплатно, додека 20 отсто ќе можат да ги купат со попуст.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.