Свет
Американска амбасада на Кале ќе се гради од септември
Џемали Мехази, министерот за транспорт и врски, и американскиот амбасадор Лоренс Батлер вчера потпишаа анекс на договорот за условна продажба на дел од Калето на кој ќе се гради американска амбасада
Адријана Георгиев
Џемали Мехази, министерот за транспорт и врски, и американскиот амбасадор Лоренс Батлер вчера потпишаа анекс на договорот за условна продажба на дел од Калето на кој ќе се гради американска амбасада. Со овој анекс се прецизирани деталите околу купопродажниот договор. Ќе се продадат 44.491 квадратни метри, по цена од 50 евра за квадрат, со што вкупната сума која САД треба да ја уплатат на сметката на Министерството за транспорт и врски ќе изнесува 2,6 милиони евра. Американската влада презеде одговорност да ги премести муслиманските гробишта што археолозите ги пронајдоа на овој терен. Во рок од шест месеци треба да се средат сите документи, да се уплатат парите и да се добие дозвола за градење.
Со потпишувањето на договорот паѓаат во вода заложбите на координативното тело за одбрана на Калето да ја спречи изградбата на амбасадата на оваа локација, која според нив, е од големо национално, културно и еколошко значење.
– Мило ми е што договорот се склучи непосредно пред моето заминување. Спремни сме да ги почитуваме македонските закони и обичаи при изведбата на проектот во кој ќе вложиме од 8 до 10 милиони долари. Голем дел од работите ќе ги изведуваат македонски фирми – изјави амбасадорот Лоренс Батлер по потпишувањето на договорот.
Американската амбасада досега исплатила 400.000 евра на „Макпетрол“ за преместување на бензинската пумпа. Според проектот, објектот на амбасадата треба да биде ниска градба опкружена со многу зеленило. Градењето ќе трае од 24 до 36 месеци.
Министерот Џемали Мехази изјави дека е среќен поради тоа што конечно е потпишан договор со кој се прецизирани условите под кои ќе се гради.
– САД се покажаа како пријател на Македонија и тоа го потврдија со чинот на признавањето. Се надеваме дека и понатаму ќе ја имаме поддршката особено во постапката за интеграција и членството во ЕУ – рече Мехази.
Живко Поповски, претседател на координативното тело за одбрана на Калето е револтиран од постапката на потпишување договор и од односот на државните органи.
– Тие досега не покажаа никаков интерес да ги послушаат мислењата на експертите по екологија, археологија и историја. Јасно е дека им требаат пари, но ова не е начин да ги добијат. Целата постапка е тајна и нетранспарентна. Испративме приговор до Уставниот суд, но ни беше кажано дека не можат да решаваат за нешто за што не постои конкретен договор. Сега кога тој е потпишан, се надеваме на посериозен пристап на Уставниот суд. Американската амбасада не е предвидена со ГУП и таа не треба да се гради на тоа место. Во спротивно, се кршат законите и Уставот. Се надевам дека институциите ќе имаат слух за тоа – категоричен е Поповски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.