Свет
Мртва трка за гасоводот
Владата и “Макпетрол” не го решија спорот за сопственоста над гасоводот. Владин тим, предводен од премиерот Владо Бучковски, завчера имал повеќечасовна средба со претставници на “Макпетрол”, на чело со првиот човек Андреа Јосифовски, но решение за гасоводот не било најдено бидејќи обете страни останаа на ставовите дека тие се сопственици на гасоводот.
ВЛАДА – МАКПЕТРОЛ
Владата и “Макпетрол” не го решија спорот за сопственоста над гасоводот. Владин тим, предводен од премиерот Владо Бучковски, завчера имал повеќечасовна средба со претставници на “Макпетрол”, на чело со првиот човек Андреа Јосифовски, но решение за гасоводот не било најдено бидејќи обете страни останаа на ставовите дека тие се сопственици на гасоводот.
Владата му предлага на “Макпетрол” да се формира акционерско друштво “Гама”, кое ќе биде под контрола на државата и ќе управува со главната гасоводна магистрала, а “Макпетрол” ќе ја добие дистрибуцијата и трговијата со гас. Доколку “Макпетрол” не го прифати предлогот, Владата се заканува дека ќе му го одземе правото за управување со гасот и правдата ќе ја бара на суд.
Неофицијално, “Макпетрол” не го прифаќа предлогот на Владата и тврди дека документите што ги поседуваат покажуваат дека тој е сопственик на гасоводот.
Ова е втор обид во последната година да се реши статусот на гасоводот. Прв се обиде поранешниот премиер Хари Костов, кој сакаше гасоводот да му го препушти на “Макпетрол”. Поради немањето консензус во Владата, тој обид пропадна. (А.Ф.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.