Свет
Постапката почитувана, сопственикот непознат
Кабинетот на премиерот Владо Бучковски тврди дека при изборот на канцеларискиот простор за македонското економско-трговско претставништво во Приштина е почитувана законската регуларива, но во премиерскиот кабинет уште не се знае дали куќата која е избрана како најповолна понуда на тендер е сопственост на семејството на државниот секретар на Министерството за култура Кастриот Абдули.
ВЛАДАТА ТРАНСПАРЕНТНО ЗА СЛУЧАЈОТ “ПРЕТСТАВНИШТВО ВО ПРИШТИНА ВО КУЌА НА ВЛАДИН ФУНКЦИОНЕР”
Кабинетот на премиерот Владо Бучковски тврди дека при изборот на канцеларискиот простор за македонското економско-трговско претставништво во Приштина е почитувана законската регуларива, но во премиерскиот кабинет уште не се знае дали куќата која е избрана како најповолна понуда на тендер е сопственост на семејството на државниот секретар на Министерството за култура Кастриот Абдули.
За да се проверат овие соменвања, Владата побарала од надлежните министерства да достават одговор, кој уште не е готов.
Владата ветува дека ако имало прекршувања на процедурата за канцеларискиот простор во Приштина, ќе го ревидира целиот случај. “Ќе се раскине договрот ако се утврди дека од непотистички побуди е склучен договорот со близок роднина на државен секретар во едно од министерствата во Владата на Македонија”, се вели во соопштението.
Во името на транспарентноста на постапката, Владата на увид ни го достави и извештајот од увидот за предлог на просториите за канцеларијата во Приштина кој го направиле шефот на кабинетот на Министерството за економија Шефкет Хазири и Зоран Богоевски, раководител на одделението за привилегии и имунитети при Министерството за надворешни работи.
Во извештајот се тврди дека на тендерот имало три понуди, од кои првата била најсоодветна, пред се, поради цената, која изснесува 4.500 евра или 5.000 евра за да се опреми целосно. Избраниот објект, тврдат Хазири и Богоевски, ги има сите технички и безбедносни услови неопходни за непречено функционирање на канцеларијата. Како предност се наведува и располагањето со агрегат за струја, со оглед на фактот дека во Приштина чести биле прекините на електричната енергија.
Во другите два објекта од понудите имало потреба од време и дополнителни инвестиции за нивно адаптирање за вселување во канцеларијата.
Избраниот објект располага со 400 м2, распоредени во 11 соби, 3 бањи и кујна. Тој е познат како вила “Бели двор”, наведено е дека “сопственикот е физичко лице”, но не се кажува со кого е склучен договорот и за колкава кирија.
Вториот понудувач нудел недовршен простор од 700 м2 за кој, за да се адаптира на намената, имало потреба од дополнителни инвестиции од 40 илјади евра. Третиот понудвач конкурирал со објект сличен на првата избрана понуда, но со двојно поголема цена. Н.С.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.