Свет
Малку подобро, ама доволно лошо
Вториот круг од изборите беше добро спроведен во голем дел од земјата, но не ги исполни клучните изборни стандарди на ОБСЕ, кои гарантираат еднакво право на глас и тајност на гласањето, заклучи Меѓународната мисија за набљудување на локалните избори во Македонија.
Оценка на ОДИХР и на советот на европа ЗА ВТОРИОТ ИЗБОРЕН КРУГ во македониЈа
Вториот круг од изборите беше добро спроведен во голем дел од земјата, но не ги исполни клучните изборни стандарди на ОБСЕ, кои гарантираат еднакво право на глас и тајност на гласањето, заклучи Меѓународната мисија за набљудување на локалните избори во Македонија.
Претставниците на ОДИХР и на Советот на Европа сметаат дека сериозните нарушувања на изборниот процес ја сопираат Македонија, но не сакаа да коментираат дали нивниот извештај ќе го забави нејзиното напредување кон ЕУ.
Набљудувачите им забележуваат на надлежните дека не успеале да ги отстранат пропустите од првиот круг, иако се труделе да го направат тоа.
Странците забележале сериозни неправилности на гласањето во општините Гази Баба, Бутел, Липково, Чучер-Сандево, Желино, Јегуновце, Теарце, Тетово, Студеничани, Арачиново и во Брвеница, во кои имало неправилности и во првиот круг.
Набљудувачите посетиле 1.300 гласачки места и во некои регистрирале кражби на гласачки ливчиња, полнење кутии, заплашување, групно гласање и гласање за други и фалсификувани потписи во избирачкиот список. Како лошо, односно многу лошо го оцениле гласањето во 14 отсто од местата што ги посетиле, тајност немало во 17 отсто, групно гласање имало во 16 отсто, во 30 случаи има заплашување и помал процент немири и лоша изборна атмосфера.
Меѓународните набљудувачи имаат забелешка за задоцнетото објавување на резултатите од првиот круг во трката за градоначалник на Скопје, за недоволно решителни интервенции на соодветните органи и за скратувањето на правото на глас на жената. Набљудувачите забележале дека таму каде што во избирачките одбори имало жени помали биле шансите за нерегуларности. Во над 50 отсто од избирачките одбори немало жени, а во “значаен” број избирачки места не гласала ниту една жена. На потсетувањето дека ситуацијата со жените и досега била таква, Кит Витмор од Конгресот при Советот на Европа одговори со “можеби е така”, но нагласи дека во Гази Баба на четири избирачки места не дошла ниту една жена на гласање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.
Европа
Шпанскиот државен обвинител бара прекин на истрагата против сопругата на Санчез
Шпанскиот државен обвинител, назначен од кралот по препорака на владата, денеска побара од судот во Мадрид да ја затвори истрагата за корупција против сопругата на премиерот Педро Санчез бидејќи „нема индиции за кривично дело“.
Судијата во Мадрид вчера пријавил дека отворил прелиминарна истрага за 59-годишната Бегоња Гомез. Сопругата на премиерот беше пријавена кај судијата од синдикатот Манос Лимпиос (Чисти раце) врз основа на медиумските извештаи дека давала препораки со нејзин потпис на претприемачи кои се пријавиле на јавни тендери. На овој начин, било наведено во пријавата, таа ја искористила својата позиција и влијание за да можат блиските луѓе да добијат јавни пари и работа.
Организацијата Манос Лимпијас претходно изјави дека својата тужба ја заснова на медиумски извештаи и дека не може да гарантира за нивната вистинитост, а шефот на организацијата, Мигел Бернад, рече дека извештаите биле проследени до судијата од „граѓанска должност“ и негираше дека акцијата била политички мотивирани.
Во 1980-тите, Бернад се натпреваруваше на два европски избори како кандидат на екстремно десничарскиот Национален фронт во 1980-тите.
Манос Лимпијас одлучи да побара од судот да отвори истрага за бизнисот на Гомез откако обвинителите не постапија самоиницијативно, а истражниот судија ќе одлучи дали медиумските извештаи се точни или не, рече тој.
Консултантската компанија на претприемачот Карлос Барабес, според пријавата, добила 10 милиони евра од јавно претпријатие во надлежност на Министерството за економија. Тој претприемач подоцна основал постдипломски курс кој го водела Гомез на Универзитетот Комплутенсе во Мадрид.
Во извештајот се споменува поврзаноста на сопругата на премиерот со туристичката компанија Globalia, која беше спонзор на едукативниот центар „Africa Centre del Instituto de Empresa“ управуван од Гомез. Шпанската влада со 600 милиони евра народни пари ја спаси „Air Europa“, во сопственост на Globalia.
Државното правобранителство испрати жалба до судот во Мадрид, во која се наведува дека нема „индиции дека сторила кривично дело“, објави радиото Ла Секста.
Свет
Захарова: Лицемерниот Запад бара Србија да заборави кој ја бомбардирал
Портпаролката на руското Министерство за надворешни работи, Марија Захарова, на брифинг со новинарите потсети на годишнината од бомбардирањето на Радио и телевизија на Србија, кога загинаа 16 вработени и уште еднаш укажа колку Западот е подготвен да ги погази сите норми и правила. Згора на тоа, сега се бара од Србија да го заборави тоа, изјави таа.
Таа нагласи дека бомбардирањето на РТС не само што поминало неказнето, туку дека НАТО го објаснил како неопходност од војна.
„Она што тогаш се применуваше во Србија, сега се прави во Украина“, рече Захарова на брифингот и укажа на убиството на руски воен известувач од режимот во Киев, платен од Западот.
И како да не беше доволно тоа што и го направија на Србија тогаш, додаде таа, но денес се бара да се заборави бомбардирањето, се спроведува нов јапонски експеримент.
„Тогаш ја бомбардираа Јапонија, а денес се принудени да ја заборават. Сега се обидуваат да ја натераат Србија да заборави кој ја бомбардирал, 2.500 жртви од кои 89 деца, уништена инфраструктура, загуби кои се мерат во милијарди.
Сакаат да ја свртат страницата на историјата, но всушност да ја принудат Србија да ја откине таа страница од целата историја, како што беше случајот со Јапонија“.
Лицемерието на Западот нема граници, студиозно го игнорира нападот на зградата на РТС во Белград на 23 април 1999 година, истакна Захарова.