Свет
Шлаканица и за вториот круг
“Во периодот меѓу двата круга на локалните избори и на денот на изборите, надлежните органи во Македонија не успеаја соодветно да одговорат на недостатоците идентификувани во првиот круг, и покрај некои
ОСТРИ КРИТИКИ ЗА ВЛАСТА ОД ЕВРОПСКИТЕ МОНИТОРИ
“Во периодот меѓу двата круга на локалните избори и на денот на изборите, надлежните органи во Македонија не успеаја соодветно да одговорат на недостатоците идентификувани во првиот круг, и покрај некои
Меѓународните набљудувачи вчера оценија дека вториот круг на локалните избори не ги исполнил стандардите на ОБСЕ и Советот на Европа за универзално и еднакво право на глас и за тајност на гласањето. Шефот на набљудувачката мисија на Канцеларијата за демократски институции и човекови права на ОБСЕ (ОДИХР), Џулијан Пил Јејтс, и на Советот на Европа Кит Витмор, со прилично остри тонови го презентираа прелиминарниот извештај за вториот круг.
“Во периодот меѓу двата круга на локалните избори и на денот на изборите, надлежните органи во Македонија не успеаја соодветно да одговорат на недостатоците идентификувани во првиот круг, и покрај некои напори за нивно корегирање. Иако гласањето во вториот круг во поголемиот дел од земјата е добро спроведено, постојаните и распространети нарушувања на други места создаваат сериозни загрижувања, го загрозуваат идентитетот на целокупниот процес и на истите мора итно да се одговори”, изјави Јејтс.
“Набљудувачите известија за сериозни неправилности во Гази Баба, Бутел, Липково, Чучер Сандево, Желино, Јегуновце, Теарце, Тетово, Студеничани, Арачиново и Брвеница. Меѓу увидените неправилности постоеја случаи на кражби на гласачки ливчиња, полнење на гласачки кутии, заплашување, групно гласање и гласање за други лица и слично. Во многу случаи членовите на општинските комисии гласале по приговорите исклучиво во согласност на интересите на политичките партии, наместо да ги извршуваат своите должности на непристрасен и совесен начин, како што одредуваат изборните закони. ДИК зазеде пасивен пристап и се воздржа од насочување на комисиите во текот на процесот на одлучување по приговорите и жалбите”, стои во прелиминарниот извештај на меѓународните монитори.
ОДИХР и Советот на Европа оцениле дека гласањето било лошо или многу лошо во 14 % од посетените места, тајноста не била почитувана во 17 отсто, а групно се гласало во 16 % од местата. Имало и најмалку 30 случаи на полнење на кутии, а пребројувањето на гласовите било лошо или мошне лошо во 23 % од посетените места. Освен тоа, се реагира и на недостатокот на жени во избирачките одбори, иако таму каде што во одборите седеле жени имало помалку неправилности.
Место во извештајот има и за полицијата, која според мониторите “и покрај претходно документираните примери на изборно заплашување во Скопје и неколку други градови во земјата, продолжија со својата пасивна улога на неделување во случаи на заплашување на гласачи и изборни официјални лица”, што сериозно го поткопало владеењето на правото.
(Л.Ј.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Наскоро ќе можеме да ја видиме космичката експлозија со голо око, се гледа еднаш во животот
Небесен танц меѓу две ѕвезди оддалечени 3.000 светлосни години ќе резултира со експлозија толку сјајна што ќе биде видлива со голо око со денови, изјавија денеска астрономите од Универзитетот Нотингем Трент.
Експлозијата што се случува еднаш во животот во системот T Coronae Borealis ќе се појави како нова ѕвезда која силно свети на ноќното небо пред да избледи и исчезне во следните 80 години. Професорот Даниел Браун објаснува дека овој небесен настан се нарекува „нова“, кога осветленоста на ѕвездата брзо се зголемува.
Според него, не е лесно да се предвиди кога ќе следи тој настан, но верува дека тоа може да се случи во секое време до септември.
„Ни претстои задоволство, ќе видиме таканаречена нова ѕвезда на небото“, рече Браун и истакна дека T Coronae Borealis не е само една ѕвезда, туку две ѕвезди кои орбитираат една околу друга. „Она што го прави овој пар толку исклучителен е тоа што одвреме навреме ја зголемува својата светлина толку многу што станува лесно видлива за нас“, рече астрономот.
Помасивната ѕвезда во парот е бело џуџе, кое во обем колку нашата Земја може да има иста маса како и нашето Сонце, рече Браун. Придружникот во тој пар беше старечки црвен џин кој се ширеше и го депонираше својот материјал на белото џуџе.
„Речиси на секои 80 години, бело џуџе собира доволно материјал за да се запали во термонуклеарна експлозија и во голема мера да ја засили својата светлина“, рече Браун.
„Сега е време за уште една ваква експлозија за T Coronae Borealis, чија светлина едвај видлива со двоглед на темното небо, ќе се зголеми и ќе биде споредлива со ѕвездите во системот Плуг и ќе биде видлива за голо око дури и на загаденото небо. „Новата“ ќе стане видлива во близина на соѕвездието Херкулес“, додаде тој.
Астрономите објаснуваат дека „новите“ во суштина се како водородни бомби.
Свет
Се отстранува срушениот мост во Балтимор, пристигна кран кој може да подигне 1.000 тони
Најголемиот кран на светот се преместува од источниот брег на САД во Балтимор за да започне денеска со отстранување на мостот кој се урна кога брод удри во него и го блокираше виталното пристаниште на градот.
Дел од мостот во Балтимор се урна откако контејнерски брод удри во него рано наутро во вторникот, со што повеќе возила завршија во водата. Од ледената вода се извлечени телата на двајца работници, а потрагата по уште четворица исчезнати во несреќата е прекината.
Гувернерот на американската сојузна држава Мериленд, каде се наоѓа Балтимор, Вес Мур, изјави дека кранот може да подигне до 1.000 тони и дека ќе се користи барем уште еден кран за отстранување на урнатиот мост.
Плановите за отстранување на мостот ги развиваат инженерскиот корпус на армијата на САД и морнарицата, кои мобилизираат ресурси од целата земја за да го исчистат водениот пат во рекордно време.
Мур рече дека не се работи само за државата Мериленд, туку и за економијата на земјата, бидејќи низ пристаништето Балтимор минуваат повеќе автомобили и земјоделска опрема од кое било друго пристаниште во Америка.
Гувернерот предупреди дека работата може да потрае долго и се заблагодари на администрацијата на американскиот претседател Џо Бајден што одобрила итна помош од 60 милиони долари. Бајден рече дека федералната влада ќе ги плати сите трошоци за обнова на мостот.
Штетата предизвикана кога контејнерски брод изгуби струја и удри во столб за потпора на мостот во вторникот вечерта е голема. Нуркачите ги извлекоа телата на двајца мажи од возило во реката во близина на средината на мостот во средата, но властите рекоа дека морале да започнат со расчистување на мостот пред некој да стигне до телата на уште четворица исчезнати работници.
Полицијата соопшти дека врз основа на снимки од сонар, нивните возила изгледале како затрупани со огромна количина бетон и метал.
Сојузните и државните власти велат дека ударот на бродот врз мостот што го предизвикал неговото уривање е, според сите пресметки, несреќа. Луѓето кои биле дел од групата работници кои ги поправале дупките на мостот загинале, тие биле од Мексико, Гватемала, Хондурас и Ел Салвадор во моментот на несреќата, изјавија официјални лица. Најмалку осум лица паднале во водата кога бродот удрил во столб на мостот, а двајца биле спасени истиот ден.
Во ударот мостот се скршил и за неколку секунди паднал во водата. Надлежните едвај имаа време да го запрат сообраќајот преку мостот, но немаа време да ги предупредат работниците на пристаништето, прашање на секунди беа кога од бродот пријавија дека им откажала струјата.
Регион
(Видео) Снимка од приведувањето на три лица во БиХ кои на Тикток објавија дека ја држат Данка
Тројца мажи кои синоќа беа уапсени од Федералната полициска управа (ФУП), а по наредба на српската полиција, синоќа се донесени во просториите на ФУП во Сараево на понатамошна обработка.
Федералната полициска управа на Босна и Херцеговина, врз основа на информации од Министерството за внатрешни работи на Република Србија, Управа за технологија, уапси три лица кои се сомничат дека преку социјалната мрежа Тикток објавиле дека се поврзани со исчезнување на девојчето Данка Илиќ.
Уапсени се Б.Т.(2002), М.Т.(2001) и З.Т.(1972). Полицијата извршила претрес и утврдила дека информациите што ги дале се лажни.
Во текот на ноќта тројката заедно со Хаџиќ се донесени во просториите на ФУП, каде потоа ќе бидат предадени на надлежниот обвинител за понатамошна постапка, а видеото од нивното приведување го објави Министерството за внатрешни работи на Србија.