Свет
Регулаторот пак го прекројува тарифникот за струја
Регулаторот за енергетика по трет пат го одложи воведувањето на новиот тарифен систем за струја, но овој пат без конкретна најава кога ќе почне да се применува, бидејќи не знаеле колку ќе трае јавната расправа по најновите измени во содржината на тар
ПИШМАН АЏИИ
Регулаторот за енергетика по трет пат го одложи воведувањето на новиот тарифен систем за струја, но овој пат без конкретна најава кога ќе почне да се применува, бидејќи не знаеле колку ќе трае јавната расправа по најновите измени во содржината на тар
Регулаторот за енергетика повторно го одложи воведувањето на новиот тарифен систем за струја, но овој пат без конкретна најава кога ќе почне да се применува. Ова е трето одложување на примената на новиот тарифник во кој цената на струјата за домаќинствата во зимската сезона се предвидува да биде за околу 60 отсто повисока од најевтината за време на летната сезона, а се укинува и евтината струја во текот на денот и за викендите.
Во Регулаторната Комисија за енергетика велат дека одложувањето е поради измени во содржината на новиот тарифен систем и тоа, наместо во три ценовни блока, домаќинствата според висината на потрошувачка во текот на месецот ќе се делат на две групи. "Примената зависи од тоа кога ќе заврши јавната расправа по измените", вели Владко Гаврилов, член во Комисијата и дообјаснува дека првата ценовна група ќе бидат домаќинствата кои трошат помалку од 250 киловат часови електрична енергија месечно, односно, околу 3000 киловат часови годишно. Сите останати ќе бидат во втората група, наместо како што предвидуваше претходната варијанта да постои и трет блок во кој ќе бидат оние со над 7000 киловат часови годишно и кои требаше да плаќаат и најскапа струја.
Тарифникот е изработен така што цената на киловат час електрична енергија скока како што расте и потрошувачката на струја.
Измените се должат на критиките од стручната јавност дека системот е сложен и тешко разбирлив за домаќинствата, кои нема да успеваат да го контролираат растот на сметките.
Во најновата варијанта останува поделбата на цените во три сезони, и тоа, највисоките цени на струјата ќе бидат во зимската сезона, додека најевтината ќе биде летната сезона, а средни сезона се пролетта и есента.
Според експертските препораки новиот систем најдоцна требаше да се воведе почетокот на оваа година, односно, пред да се случи продажбата на ЕСМ дистрибуција на австриската компанија "ЕВН", а регулаторот најавуваше дека ќе го воведе пролетва бидејќи во овој период зголемувањето на трошоците за струја кај домаќинствата, поради новиот начин на тарифирање, ќе биле помали. Но, со оглед на новото одложување се чини дека се остава за повисоките сметки за струја да му ја мисли новата влада. (Т.Ј.)
***
Регулатор препорачува новиот газда на ЕСМ да ги плати новите броила
"Најдобро решение ќе биде новиот газда на ЕСМ Дистрибуција да ги смени старите броила со нови тритарифни броила, при што ако смета дека трошокот треба да биде на потрошувачите, може износот да го подели на повеќе рати. Целта е малку да се растерети потрошувачот, и истовремено да може да ги користи бенефитите на новиот тарифен систем", вели Владко Гаврилов, член на Регулаторната Комисија. Според Гаврилов тоа е најдоброто решение за потрошувачите да можат да си ја конторлираат сметката, бидејќи само со ново броило ќе можат да ја трошат најевтината струја во периодот од 22 часот до 7 часот изутрина. Во тој период цената за корисниците на тротарифни броила ќе биде за 20 отсто поевтина од цената за корисниците со двотарифни броила. Средната тарифа ќе биде од 7 часот изутрина до 17 часот, а најскапата во периодот од 17 часот до 22 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.
Свет
(Видео) „Очајно сакаме да јадеме нешто“: илјадници патници заробени на аеродромот во Дубаи останаа без храна
Туристите заглавени на аеродромот во Дубаи изјавија дека очајно бараат храна, а во исто време остануваат без вода поради големите поплави предизвикани од дожд и грмотевици, јавува Би-би-си.
Речиси 50 лета беа откажани во вторникот, а на социјалните мрежи се појавија снимки од луксузни автомобили, кои пливаат во порои од вода и поплавени трговски центри, како и потопени аеродроми.
Надлежните упатија предупредување до граѓаните да останат дома, но патниците останаа на аеродромите и велат дека чекаат со часови и немаат информации. На шалтерите имаше голем метеж, како и групи луѓе што извикуваа, ракоплескаа и свиреа во знак на протест.
Според интернет-страницата за следење летови Flight Aware, 150 лета, кои требаше да го напуштат меѓународниот аеродром во Дубаи, биле одложени, а 120 биле откажани. „Емиратите“, водечката авиокомпанија во Дубаи, најави суспензија на услугите до четврток наутро.
Dubai Airport right now
pic.twitter.com/FX992PQvAU— Science girl (@gunsnrosesgirl3) April 16, 2024
„Во моментот се соочуваме со значителен прекин поради временските услови и континуирано работиме со нашите тимови за одговор при итни случаи за да ја вратиме нормалната работа што е можно побргу“, објави Меѓународниот аеродром во Дубаи на социјалната мрежа Х во средата.
Како што соопштија, летовите продолжуваат и денеска од терминалот 1, со напомена дека патувањето е можно само со потврдени резервации бидејќи летовите сè уште се откажани и доцнат.
Патниците преживуваа само со користење на услугите на царинските продавници, каде што производите се ослободени од локални или државни даноци, под услов да ги купуваат туристите што потоа ќе плаќаат царина и даноци во земјата на дестинација, пренесува медиумот. Џејмс и Елизабет Дивајн од Кембриџ останале заглавени на погрешен аеродром со својот шестмесечен син кога, враќајќи од свадба, нивниот лет во Сиднеј бил пренасочен. Тие слетаа на аеродромот Dubai World Central, кој е оддалечен повеќе од 80 километри од нивната наменета дестинација.
„Рестораните се затворени, единствената храна што ја имаме е од продавниците на аеродром, така што нема храна за бебиња или мали деца. Нема ниту пелени, па ги делиме со другите патници, на кои исто така им требаат“, рече Џејмс.
Имајќи предвид дека постојано пристигнуваат нови патници, Џејмс проценува дека моментно на аеродромот има стотици, ако не и илјадници луѓе. Како што велат, чекаат 13 часа, а паниката постојано расте поради недостигот на храна и вода.
Маргарет и Дерек Мекартур од Шкотска во средата требало да заминат од Дубаи за Токио. Тие пристигнале за качување во 6 часот наутро, но 13 часа подоцна сè уште немаат алтернативен лет или објект во кој би можеле да преноќат. „Немаме храна, досега пиевме само кафе. Очајни сме да јадеме, не ни дадоа ваучери и не знаеме што се случува“, рекла Маргарет.
Мат Вер, кој десет години живее во Дубаи, се присети на големиот застрашувачки облак што се појави на небото во вторникот попладне. „Небото стана целосно црно, зелено и апокалиптично, видов дека доаѓа бура. Дубаи остана под вода, илјадници куќи беа целосно поплавени“, изјави Вер.
Во вторникот Обединетите Арапски Емирати (ОАЕ) забележаа најголем број врнежи отколку пред 75 години. Дождот не е вообичаен во ОАЕ, но повремено се појавува за време на постудените зимски месеци.
Училиштата ќе останат затворени до следната недела, а работата од дома е продолжена за уште еден ден за повеќето вработени во владата. Претседателот исто така нареди семејствата погодени од невремето да бидат преместени на побезбедни локации. Најмалку едно лице загина во поплавата, 70-годишен маж, кој се удави во автомобил во Рас Ал-Каима, а неодамна беа објавени фотографии што покажуваат како водата ги поплавува и пустинските области.
Свет
Четири руски ракетни фрлачи и авиони сериозно оштетени на Крим, соопшти Украина
Во украинскиот напад на воениот аеродром на Крим вчера сериозно се оштетени четири ракетни фрлачи, три радарски станици и друга опрема, соопшти украинската воена разузнавачка агенција.
Четири ракетни фрлачи земја-воздух „С-400“ и контролен пункт за воздушна одбрана стациониран во воздухопловната база Џанкој се меѓу опремата што е „уништена или критично оштетена“, објави агенцијата на „Телеграм“, пренесе „Ројтерс“.
Агенцијата додава дека во нападот биле уништени или оштетени и голем број авиони. На неколку сметки на каналот „Телеграм“ вчера се појави информација за силна експлозија во Џанкој. „Ројтерс“ не можеше да ги потврди наводите, а Русија официјално не ги коментира.
Украинската агенција не даде информации за тоа какви средства се употребени за нападот, кој го опиша како успешен.
Претседателот на Украина, Володимир Зеленски, претходно ѝ се заблагодари на армијата за прецизноста вклучена во операцијата.