Свет
Организиран криминал во "Бачило"
Владата вчера ги разгледуваше фактите околу исплатата на отштетата од 720.000 евра
Владата вчера ги разгледуваше фактите околу исплатата на отштетата од 720.000 евра
Владата на вчерашната седница ги задолжи надлежните институции да ги испитаат сите можности за повторување на судската постапка во „случајот Бачило“ поради сомневање дека исплатата на 720.000 евра отштета на лицето Иснифарис Џемаили е случај на корупција и организиран криминал. Истовремено, Кабинетот на премиерот Бучковски ги задолжи Министерството за внатрешни работи, Јавното обвинителство на Македонија и Одделението за организиран криминал да ги преземат сите мерки за целосно расчистување на случајот, како и за поведување постапка за утврдување на одговорноста. Владата ќе почне и постапка за утврдување на објективната одговорност на јавниот правобранител на Македонија во предметот за исплатата на отштетата за гранатираното бачило во Тетовско за време на воениот конфликт во 2001 година.Ова се заклучоците по вчерашната расправа на владината седница на која, како што беше соопштено, била во целост разгледана информацијата за исплата на штетата и препораките и заклучоците од Државната комисија за спречување на корупцијата
Гордана Дувњак
Владата на вчерашната седница ги задолжи надлежните институции да ги испитаат сите можности за повторување на судската постапка во "случајот Бачило" поради сомневање дека исплатата на 720.000 евра отштета на лицето Иснифарис Џемаили е случај на корупција и организиран криминал. Истовремено, Кабинетот на премиерот Бучковски ги задолжи Министерството за внатрешни работи, Јавното обвинителство на Македонија и Одделението за организиран криминал да ги преземат сите мерки за целосно расчистување на случајот, како и за поведување постапка за утврдување на одговорноста. Владата ќе почне и постапка за утврдување на објективната одговорност на јавниот правобранител на Македонија во предметот за исплатата на отштетата за гранатираното бачило во Тетовско за време на воениот конфликт во 2001 година.Ова се заклучоците по вчерашната расправа на владината седница на која, како што беше соопштено, била во целост разгледана информацијата за исплата на штетата и препораките и заклучоците од Државната комисија за спречување на корупцијата.
Неофицијално дознаваме дека расправата за "случајот Бачило" траела повеќе од час и пол.На седницата присуствувала и јавната правобранителка на Македонија, Зоја Лега-Станоевска, на која Ј биле упатувани конкретни прашања околу содржината на подготвената информација за случајот. Сепак, во расправата најмногу учествувале премиерот Бучковски и ресорниот министер за одбрана, Јован Манасиевски, кои инсистирале да се расчисти овој случај, бидејќи штетата е на товар на државата.
Државниот јавен обвинител Александар Прчевски во вчерашниот телефонски разговор кусо изјави за "Утрински весник" дека "ќе го почекаат заклучокот на Владата и ќе постапат во рамките на нивните овластувања".
"Случајот Бачило" прв го отвори државниот ревизор, кој изрази сомневање во висината на отштетата за гранатирањето на бачилото во селото Вакуф. Потоа, за оваа работа се заинтересира и Антикорупциската комисија, која го побара на увид предметот од Основниот суд Скопје 1, по што констатира низа пропусти во работата на повеќе институции. Меѓу првите институции кои јавно реагираа, беше и Врховниот суд на Македонија, кој преку соопштение изрази сомневање дека во конкретниот случај не се преземени сите правни средства. Завчера, Граѓанскиот оддел на највисокиот суд во државава на посебна седница го разгледуваше случајот, по што побара од Републичкиот судски совет одговорност за судијата што го водел случајот. Врховните судии имаа забелешки на сите фази од водењето на овој предмет, почнувајќи од неуредната тужба, погрешно утврдената фактичка состојба и висина на отштетата, датумот на исплата на каматата, па сў до преземањето на некои прави лекови. "Случајот Бачило" ќе биде на дневен ред и на седницата на Републичкиот судски совет в среда, на која ќе бидат разгледувани неколку предлози за разрешување судии за нестручно и несовесно однесување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.
Свет
Си-ен-ен: Сателитските снимки покажуваат дека во Исфахан нема поголеми штети
Според сателитските снимки од вселената до кои ексклузивно дојде Си-ен-ен, се чини дека нема поголема штета во воздушната база која наводно била цел на израелскиот напад во Исфахан.
Сателитски снимки се направени околу 10:18 часот по локално време. Се чини дека нема големи кратери во земјата и нема видливи уништени згради. Меѓутоа, за да се знае со сигурност дали има некаква штета, ќе бидат потребни дополнителни визуелни сателитски снимки, пишува Си-ен-ен.
Сликите не се како обичните сателитски снимки бидејќи се создадени од сателит кој испраќа радарски зраци кои можат да поминат низ облаците, како оние што моментално ги спречуваат сателитите да ја сликаат областа. Овие радарски зраци се одбиваат од објектите на земјата и се враќаат назад кон сателитот.
Иранската новинска агенција ФАРС објави дека една од можните цели бил воен радар во воена база во провинцијата Исфахан, а единствената штета од нападот се скршени прозорци во неколку деловни згради.
Сликите исто така покажуваат дека иранските F-14 Tomcats кои во минатото беа стационирани во воздухопловната база во моментов ги нема. Дополнителни архивски сателитски снимки прегледани од Си-ен-ен покажуваат дека тие F-14 Tomcats не биле таму некое време.