Свет
ЗЕЛС обвини дека парите се делени по партиски клуч
Незадоволство од распределбата на средствата од Буџетот
Незадоволство од распределбата на средствата од Буџетот
Заедницата на единиците на локалната самоуправа на Република Македонија (ЗЕЛС) е незадоволна од распределбата на средствата од Буџетот – програма водоводи во единици на локална самоуправа во Република Македонија или капитални дотации во единиците на локалната самоуправа. Оттаму сметаат дека главен критериум бил партиската припадност и дека најмногу од парите отишле кај градоначалниците од владејачките партии.
"Сметаме дека средствата во износ од 120 милиони денари се нетранспарентно и лошо разделени и дека партиската припадност на градоначалниците била главен критериум за нивна распределба", рече потпретседателот на ЗЕЛС и градоначалник на Општина Гази Баба, Коце Трајановски, на вчерашната прес-конференција, појаснувајќи дека најмногу средства добиле општините чии градоначалници се од владејачките партии. Тој додаде дека кај градоначалниците од опозицијата постои голем револт од начинот на распределба на средствата.
"Битола, Прилеп и Велес заедно добиле по еден милион денари помалку отколку Липково, кое добило околу пет милиони денари. Во Скопје средства добија само општините Карпош, Чаир и Шуто Оризари, и тоа Карпош 2,5 милиони денари, а Чаир и Шуто Оризари по два милиона денари. Ниту една друга скопска општина не добила ниту денар", рече Трајановски и додаде дека само тие скопски општини имаат градоначалници кои се членови на партиите на власт.
Според информациите на потпретседателот на ЗЕЛС, Владата годинава планира да ги намали средствата од Фондот за патишта кои им ги исплаќа на општините, и тоа за 40-50 отсто во однос на ланските.
"Сметаме дека не е добро да се намалуваат овие средства, бидејќи сме во процес на децентрализација при што единиците на локалната самоуправа треба да покажат добри резултати. Со помалку средства тоа ќе биде невозможно и ќе се одрази на мислењето на граѓаните за децентрализацијата", појасни Трајановски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.