Контакт

Свет

Седум години Наскови се борат за дедовината

Објавено пред

Иако наследниците имаат конечна и извршна пресуда од Врховниот суд дека се единствени сопственици на имотот, не можат се’ уште да го користат земјиштето

dobivaj vesti na viber

Иако наследниците имаат конечна и извршна пресуда од Врховниот суд дека се единствени сопственици на имотот, не можат се’ уште да го користат земјиштето

 

Цинизмот на оваа држава нема крај. По половина век, откако трајно ни одзеде 16.500 квадратни метри во скопската населба Кисела Вода, сега сака да ни земе уште 8.000 квадрати по срамна цена од десетина евра за квадрат, кој чини 200 евра. Разликата е само што пред 50 години на нашето земјиште се градеа патишта и училишта, а сега на него некои неранимајковци изградија приватни бензински пумпи и деловни центри. Вака Александар Насков, еден од сопствениците на плацот на улицата Првомајска, ја раскажува својата мака со враќањето на имотот што го наследил од својот дедо. Тој не се откажува и ќе бара кривична одговорност на сите што ќариле од неговиот имот.

– Такви има многу во државната администрација – тврди тој.

Александар е еден од внуците на Стојан и Блаже Наскови од Скопје, од кои државата во 1952 година одзела повеќе од 16.500 квадратни метри. Иако наследниците имаат конечна и извршна пресуда од Врховниот суд дека се единствени сопственици на имотот, тие не можат се’ уште да го користат земјиштето. Во нивна полза имаат девет пресуди на Врховниот суд и имотни листови од Катастарот.

Седум години по судовите

Постапката за денационализација ја почнале во 1999 година, но не очекувале толку отпор од државата.

– Земјоделската задруга „Гоце Делчев“, која беше корисник на земјиштето, кое беше државна сопственост, се претстави како сопственик и вложи во изградбата на бензинската пумпа „Супертрејд“ и на деловниот објект на „Фруско“. Катастарот им издал градежна дозвола и ги прифатил купопродажните договори иако знаел дека се води постапка за денационализација на земјата. Истиот превид подоцна го направи Второстепената комисија – објаснува адвокатката на Наскови, Роксанда Пасковска.

Наследниците, по седумгодишно талкање низ државните институции и судовите, сега веруваат само во Врховниот суд и во антикорупциската комисија.

– Сите други, Катастарот, Комисијата за денационализација, Второстепената владина комисија за решавање спорови, државната задруга, пониските судови и Државното правобранителство до крај се обидуваа да го забошотат случајот и да пресудат во полза на корисниците на земјиштето – тврди Насков.

Додека тие ја докажувале сопственоста врз земјиштето, на над 6.000 квадратни метри од нивниот плац никнале два големи деловни објекта – приватната бензиска пумпа „Супертрејд“ и деловната зграда на „Фруско“. Двата објекта почнале да се градат во 2000 година, односно по донесувањето на Законот за денационализација, со кој е забранета изградба на објекти на земјиште што е предмет на денационализација.

Се Чека уште една разврска

Адвокатите на „Супертрејд“, Антонио Апостолски, и на „Фруско“, Панче Нефтенов, не сакаа да го коментираат овој случај бидејќи се’ уште не била завршена постапката пред Основниот суд за судбината на објектите на двете фирми.

– Во Македонија не се проблем само судовите. Многу поголем проблем се органите на управата. За предметот да стигне до суд, некој треба претходно да ја заплетка работата. Во денационализацијата работите ги плеткаат токму органите на управата, кои во секојдневното работење прават големи злоупотреби на овластувањата – вели адвокатката Пасковска.

Деновиве е закажано судење во скопскиот Основен суд, за кое треба да се реши што ќе биде со објектите на „Супертрејд“ и на „Фруско“.

– Ние сме подготвени да ги платиме објектите на двете фирми по пазарна цена. За сите други трошоци газдите нека се обратат до државните функционери што им ветувале дека ќе им ја завршат работата – велат Наскови.

Слободан Содик



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

„Во семејството не смее да постои ниту една тајна, верувам дека детето е со некого и дека не е надвор“: Јуриќ за случајот со исчезнатата Данка

Објавено пред

Основачот на Центарот за исчезнати и малтретирани деца, Игор Јуриќ учествувајќи во емисија во живо кажа нови детали од истрагата за случајот со исчезнатата Данка Илиќ, објаснувајќи зошто потрагата на терен била прекината по 27 часа.

dobivaj vesti na viber

„Не, тоа апсолутно не значи дека некои работи се откриени, напротив, значи само дека нема потреба да се троши работна сила и да се насочува енергија кон тој дел од теренот, кој е целосно и темелно прегледан. Штом немаме дополнителни информации, истрагата продолжува, сега истрагата тргна во друга насока и сега се вршат некои оперативни дејствија поврзани со сознанијата за самата девојка“, изјави Јуриќ.

Тој вели дека во случаите на исчезнување на детето, родителите мора да споделат сè со полицијата, дури и најинтимните семејни тајни, кои можат да бидат важни во тие моменти.

„Кога зборуваме за овие ситуации, кога детето ќе исчезне, едноставно не смее да има никакви тајни во семејните односи, напротив, треба целосно да и помогнете на полицијата. Ако имате каква било ситуација што може да доведе до несакан настан, во случајов исчезнување на мало девојче, мора да кажете сè што знаете“.

Основачот на Центарот за исчезнати и малтретирани деца, вели дека во деновите кога не знаеле каде е неговата ќерка Тијана Јуриќ, посакувал некој да излезе и да побара откуп.

„Навистина верувам и го чекам соопштението на полицијата за да видам кое е конечното решение за оваа драма, но дефинитивно бев среќен што детето не беше пронајдено на тој простор, особено таа прва вечер, бидејќи тешко дека детето може да преживеало таму во тие услови. Кога исчезна Тијана се надевавме дека некој ќе ни побара откуп и дека е жртва на киднапирање, некако сега се надевам дека има шанси детето поради некоја причина да е со некои луѓе и да е уште живо. Таа надеж постои во нашите глави, но од нашето искуство мораме да бидеме подготвени за најлошите вести.

Според него, добро е што е пребарана областа и последната надеж е дека некој е вмешан и дека детето е скриено поради некоја причина.

„Сега очекувам дека оперативците на МУП ќе завршат добра работа и дека конечно ќе ја дознаеме вистинската вистина.

Игор Јуриќ зборуваше и за активирање на системот „Најди ме“.

„Системот го активираат началниците на полициските одделенија, во случајов тоа беше полициското одделение каде што детето исчезна. Кога ќе се процени дека детето е во опасност, системот се активира. Она што беше специфично во овој случај е дека детето е екстремно мало, самите околности беа многу чудни и полицијата брзо реагираше и поради возраста на детето темелно го пребара теренот.

„Полицијата се погрижила да не го загрози дополнително животот на детето и да ги истражи сите околности, детето да не биде жртва на киднапирање, да не се бара откуп и слично, затоа системот бил активиран околу 7: 00 часот“, објаснува тој.

Прикажи повеќе...

Европа

(Аудио) Кралот Чарлс ја испрати првата јавна порака по дијагнозата на здравјето на Кејт

Објавено пред

Порака од кралот Чарлс беше емитувана денеска по повод годишната служба на Величетврток.

dobivaj vesti na viber

Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.

Тој им порача на сите „да ја подадат раката на пријателството“.

„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.

„Тоа е она што секогаш се трудев да го правам и правам со целото мое срце“, додаде тој.

Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.

Прикажи повеќе...

Европа

Заменик-началникот на генералштабот: Британија може да се бори со Русија само 2 месеца

Објавено пред

Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.

dobivaj vesti na viber

Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.

За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.

„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.

На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.

„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.

Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.

Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.

Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.

„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.

Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.

„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.

Сепак, тој предупреди дека „основното војување и муницијата“ остануваат важни во секој иден конфликт.

Прикажи повеќе...

Најново

Македонија16 минути

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија2 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ3 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија3 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија3 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија6 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет6 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет6 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија7 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион7 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет7 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет7 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија22 часа

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија23 часа

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија1 ден

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија1 ден

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...

Свет1 ден

Бајден: Да ja ​​заштитиме Украина од месарот Путин

Американскиот претседател Џозеф Бајден уште еднаш го навреди рускиот претседател Владимир Путин говорејќи пред гласачите во американската сојузна држава Северна...

Регион1 ден

Вучиќ: Следуваат тешки денови за Србија, не ми е лесно да кажам какви вести добивме

Српскиот претседател Александар Вучиќ синоќа изјави дека пред Србија претстојат тешки денови, пренесува „Нова.рс“. Вучиќ најави дека во наредните денови...