Свет
Маневски не сака странец за обвинител
Министерот за правда Михајло Маневски вчера не ја поддржа експлицитно идејата на премиерот Никола Груевски да донесе странец за јавен обвинител за поефикасна борба против корупцијата Министерот за правда Михајло Маневски нема јасен став за идејата на премиерот Никола Груевски да донесе странец за јавен обвинител во Македонија.
РАЗИДУВАЊЕ ВО НОВАТА ВЛАДА
Министерот за правда Михајло Маневски вчера не ја поддржа експлицитно идејата на премиерот Никола Груевски да донесе странец за јавен обвинител за поефикасна борба против корупцијата Министерот за правда Михајло Маневски нема јасен став за идејата на премиерот Никола Груевски да донесе странец за јавен обвинител во Македонија.
Министерот Маневски вели дека неговиот став ќе го каже тогаш кога ќе биде готов законот за Јавното обвинителство и законот за Советот на обвинители. Тој се крие зад уставните амандмани 24 и 30, кои не ја исклучуваат можноста да имаме јавен обвинител странец.
За него побитно е Владата да обезбеди ефикасност на функцијата на обвинителот, отколку кој ќе застане на чело на Обвинителството. "Решенијата ќе се уредат со закон", вели тој.
Признава дека владејачката коалиција има одредени програмски определби, но дека при донесување на решението треба да се слушаат и експертските мислења. "Ниту обвинителството, ниту судството не можат да бидат надвор од овие процеси. Секоја помош ќе биде драгоцена, која ќе може да даде придонес", рече Маневски.
Премиерот Никола Груевски во експозето при изборот на Владата експлицитно ја најави можноста да се именува јавен обвинител странец за поефикасна борба против корупцијата.
За министерот Маневски останува оценката на јавноста дека Јавното обвинителство не работи добро. "Гонењето на организираниот криминал и корупцијата, очигледно е дека се одвива многу бавно и на несоодветен начин. За жал, тие немаат завршница", вели тој.
Министерот Маневски и претседателот на Врховниот суд Дане Илиев вчера се договорија да соработуваат во процесот на имплементација на реформите во судството. Во наредните 30 дена треба да се комплетира новиот Судски совет, кој од почетокот на идната година ќе ги именува и разрешува судиите. Во Советот членуваат 15 члена, од кои 8 ќе бидат судии, 3 ги избира Собранието, а двајца ги делегира претседателот на државата. Министерот за правда и претседателот на Врховниот суд во Судскиот совет влегуваат по функција.
Маневски смета дека конституирањето на Судскиот совет нема да се блокира ако ДУИ реши да го бојкотира процесот. "Системот мора да функционира зашто Советот може да работи ако се избрани повеќе од половина од членовите", рече тој. Н.С.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.