Свет
Антикапиталистички демонстрации во Лондон
Демонстрантите во Лондон навлегоа во РБС банката исфрлувајќи опрема на улица
Група воинствено настроени демонстранти кои учествуваат во „антикапиталистичките демонстрации“ во лондонскиот кварт Сити, каде се сместени голем дел од финансиските институции на Велика Британија, го пробиле кордонот на полицијата и прво ги искршиле прозорците од приземјето на Кралската банка на Шкотска, а потоа навлегле во нејзините простории, јавуваат странските медиуми.Оттаму тиа почнале да исфрлаат на улицата комјпутери, друга електронска опрема, како и се она што им се нашло при рака. Дивеењето на демонстрантите траело кратко време, затоа што полицијата ги потиснала насилнички настроените демостранти без да употреби поголема сила.Медиумите јавуваат за еден повреден полицаец во кусата, но жестока тепачка. Засега не се знае дали има повредени кај демонстрантите, како и тоа дали има нови апсења. Досега биле затворени десетина лица, изјавил претставник на Скотланд јард, објаснувајќи дека шестмина од нив се од оклопниот воен транспортер со кои тие сакаа да се вклучат во протестите, како и уште осуммина други кои полицијата ги уапси затоа што биле облечени во лажни полициски униформи.Нападот врз РБС банката е прв инцидент на досега главно мирните протести по повод одржувањето на самитот на Г-20. Ситуацијата на улиците во финансискиот ценатр Сити била нервозна, особено што силни полициски сили, на кои им се приклучија и единици за пресметка со улични немири, не дозволуваат насобраната маса да тргне оттаму кон другите делови на Лондон.Се тврдело дека во протестите се собрале четири илјади луѓе, но впечаток е дека бројот на демонстрантите е поголем. Пред амбасадата на САД биле собрани противниците на војната кои од американскиот претседател Барак Обама барале да се повлече војската од Ирак и Авганистан и да се смири Израел, како што порачуваат говорниците, за да се натера да се повлече од „окупираните палестински територии“ и да се создаде независна држава Палестина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.