Еден по повеќето полубраќа на американскиот претседател му е ускратен престојот во Лондон, заради давање лажни податоци во истрага за полов напад на девојче

Кениецот Самсон Обама минатата седмица бил одбиен за добивање виза за посета на Велика Британија, потврдиле британските власти за BBC. Тој бил задржан на лондонскиот аеродром East Midlands Airport.Еден од африканските полубраќа на престедателот Барак Обама, планирал кусо да се зарджи во Лондон, како што навел заради неговиот бизнис со мобилини телефони близу Најроби, пред да замине за Вашингтон. Самсон и Барак имаат ист татко кој го напуштил сегашниот претседател на САД кога тој имал две години, а загинал во сообраќајна несреќа во 1982 г..Како што соопштиле британските власти, отисоците од прстите го поврзале Самсон со пријавен сексуален напад врз британско девојче, во периодот кога тој во Лондон престојвуал со мајка му. Во образложението за одбивање издавање виза за влез во Британија, било наведено дека во ноември минатата година кога полицијата го испитувала за наводниот напад врз девојчето, кој Самсон го негирал, тој користел лажно име за што добил и опомена од полицијата.Пред неколку месеци друг полубрат на Барак Обама беше осомничен и притворен за поседување наркотици, но подоцна беше ослободен од обвиението од кениските власт. Џорџ Обама кој живее во сиромашното предградие на главниот град на Кенија, Најроби, на крајот од јануари о.г. беше уапсен но по два дена ослободен за поседвуање дрога. Тој тогаш изјави дека станува збор за недоразбирање.Џорџ има 24 години и со Барак имаат ист татко, Барак Обама Постариот, и заедничко им е што и двајцата не го познаваат. Американскиот претседател додека бил многу мал бил напуштен од татка си, а кога Џорџ имал само шест месеци, татко им загинал во сообраќајна несреќа. Барак Обама Помладиот во својата книга пишува дека отсекогаш се борел со чувствата кон својот татко.За полубратот Џорџ Обама се дозна во 2008 г., а го откри новинарот на CNN, Дејвид Мекензи. Тогаш новинарот напиша дека Џорџ живее во сиромашното предградие на Најроби во трошна куќарка и дека заработува помалку од долар на ден, на што кенискиот Обама се налути и беше предизвикан да даде изјава дека медиумите претеруваат и дека тој е целосно задоволен како живее и дека и’ помага на заедницата колку што може.Барак и Џорџ Обама се сретнале само двапати во животот, а Џорџ беше еден од ретките роднини кои не присуствуваа на инаугурацијата на Барак.