Свет
Бројката починати од свински грип во Мексико се искачи на 149 лица
Од 86-те регистрирани смртни случаи во неделата, како последица на заразување со вирусот на свинскиот грип, во понеделник мексиканските здравствени власти ја соопштија бројката од 149 починати и повеќе од 1.600 заразени
Имајќи ги предвид соопштенијата на канадските и американските здравствени организации кои објавија дека заболените од свинскиот грип веќе закрепнуваат, светските медицински експерти и вирусолозите се прашуваат кои се причините вирусот да има поблаги симптоми во САД и Канада, отколку во Мексико. Засега само се чини дека симптомите се поблаги во Америка и во Канада, велат стручњаците. Но тие предупредуваат дека не се знае кога ќе стане поопасен и позаразен кога ќе почне да се шири, бидејќи една од главните карактеристики на новиот вирус е што тој постојано мутира. Воопшто, вирусите се могу проблематични за медицинската наука, бидејќи тие постојано мутираат и имаат способност да разменуваат ДНК-а со други типови вируси со кои ќе дојдат во контакт. А никој не може да предвиди дали од таа мутација ќе станат помалку или повеќе опасни за здравјето на луѓето. Вирусот на свинскиот грип е многу поразличен од сезонскиот вирус H1N1 со кој се заразуваат луѓето. Станува збор за нов под-тип со кој меѓусебно се заразуваат луѓето, од што според некои вирусолози веќе може да се зборува за пандемија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.