Свет
Обама бара пари од Конгресот за вакцина, СЗО на чекор до 6-ката
Обама во своето редовно седмично радиско обраќање, рекол дека нацијата треба да биде подготвена за влошување на ситуацијата. Светската здравствена организација СЗО) на чекор до 6-от степен на опасност
Барак Обама изјавил дека до Конгресот упатил барање за итно одобрување на 1,5 милијарда долари кои треба да бидат потрошени за добивање вакцина со која ќе се превенира епидемијата од вирусот А(H1N1). Во оваа сума, според Обама се вкалкулирани и парите што се наменети за производство на дополнителни дози од во моментов најефикансите лекови „тамифлу“ и „реленц“. Обама предупредил дека многу се потребни дополнителни мерки со кои треба да се спречи неконтролираното ширење на заразата што би предизвикало многу поопасна ситуација отколку што е сега.Сепак, по краткотрајниот оптимизам, вчера и експертитете од Светската здравствена организација повторно потенцираат дека пандемијата од новиот тип вирус на грип е неизбежна. Во тој случај, СЗО најавува дека набрзо степенот на опасност може да биде подигнат на највисокото ниво – 6. Инаку, уште во средата степенот на опасност беше ставено на 5-то ниво, само неколку дена откако се јавија првите слуачи на зараза во САД и во Европа. Подигнувањето на опасноста на 6-ти степен ќе биде прогласено доколку се докаже дека вирусот се шири надвор од Северна Америка, велат извори од СЗО. Експерите сметаат дека е многу реална можноста тоа да се случи, но се надеваат дека нема да дојде до тоа, пренесуваат светските агенции.Американските медиуми објавија дека според мексиканските власти од новиот тип вирус во Мексико умреле досега само 16 лица, а дека помалку од половината сомнителни слуачи при повторното тестирање биле позитивни на свинскиот грип од вкупната бројка кој беше споменува претходно од околу 2.600 заразени. Но, сепак, станува збор за официјално потврдени случаи, и ниту еден медиум нема потврда дека тоа е вистинската бројка.Светската здравствена органзиација во саботата попладне соопшти дека се потврдени 615 случаи на заболување предизвикано со вирусот H1N1, што исто така е шпекуалтивно бидејќи некогаш во извештаите се споменува овој тип а некогаш наводно новиот означен како А(H1N1). Вирусот е потврден во 15 држави, а последните потврдени слуачи се во Италија, Ирска, Хонгконг, Данска, Франција и Јужна Кореа. Викендов се потврдени нови случаи на зараза со новиот тип грип и во државите каде претходно беше регистриран, како Мексико, САД, Канада, Велика Британија, Германија, Австрија, Швајцарија, Холандија, Шпанија, Израел и Нов Зеланд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД ставија вето на приемот на Палестина во ОН
Соединетите Американски Држави ставија вето на нацрт-резолуцијата на Советот за безбедност на Обединетите нации „Државата Палестина да биде прифатена како членка на ОН“.
Воздржани беа Велика Британија и Швајцарија, а „за“ гласаа Словенија, Сиера Леоне, Русија, Јужна Кореја, Мозамбик, Малта, Јапонија, Франција, Гвајана, Еквадор, Кина и Алжир.
Претходно вчера, заменик-портпаролот на американскиот Стејт департмент, Ведант Пател, потврди дека Вашингтон ќе стави вето на гласањето во Советот за безбедност на ОН наведувајќи дека нема едногласно мислење меѓу членовите на комитетот за тоа дали Палестинците ги исполнуваат критериумите неопходни за да бидат дефинирани како држава.
Палестинската управа (ПА) го осуди потегот нарекувајќи го „нефер, неетички и неоправдан“.
Кабинетот на претседателот на палестинската управа, Махмуд Абас, го нарече американското вето „еклатантна агресија …туркање на регионот преку работ“.
Израелскиот министер за надворешни работи, Израел Кац, го пофали американското вето додавајќи: „Срамниот предлог беше отфрлен. Тероризмот нема да биде награден“.
Свет
Небензја: Америка го крши духот на Палестинците, ги принудува да му се покорат на Израел
САД, кои ја блокираа резолуцијата за Палестина во Советот за безбедност на ОН, се обидуваат да ја скршат волјата на Палестинците и да ги принудат да му се покорат на Израел, изјави постојаниот претставник на Русија во ОН, Василиј Небензја.
„Со користењето на ветото петтипат од почетокот на ескалацијата во Газа тие повторно го покажаа својот вистински однос кон Палестинците. Според мислењето на Вашингтон, тие не заслужуваат да имаат своја земја“, изјави Небензја.
Тој истакна дека Палестинците се само пречка на патот кон остварување на интересите на Израел.
„САД се подготвени да ги затворат очите пред злосторствата на Израел врз цивилите во Газа, да го игнорираат илегалното населување на Западен Ерусалим на Западниот Брег. Целта е да се скрши духот на Палестинците, да се натераат безусловно да се потчинат на окупаторската власт, да се претворат во слуги и луѓе од втор ред, а можеби и целосно да се искоренат и протераат од нивната родна земја“, изјави Небензја по гласањето за нацрт-резолуцијата за прием на Палестина во ОН.
Како што истакна, резултатот од гласањето во Советот за безбедност на ОН за резолуцијата за прием на Палестина во ОН како полноправна членка покажува дека САД се речиси целосно изолирани.
„Страдањата на палестинските цивили одекнуваат во срцата и душите на милиони луѓе во светот. Во земјите што доставуваат оружје за Западен Ерусалим сѐ почесто се слушаат гласовите на оние пто се за забрана на таквите испораки. Резултатите од гласањето, кога Вашингтон се најде речиси целосно изолиран, зборуваат сами за себе“, рече рускиот дипломат.
Тој оцени дека американското вето е „неплоден обид да се запре неуморниот тек на историјата“.
„Гледајќи низ прсти на најнепромислените постапки на нашиот сојузник (Израел), немањето желба за барање праведни решенија, е директен пат кон натамошно лизгање во бездната на војната што може да го зафати целиот регион“, рече Небензја.
Тој рече и дека таквата политика е недостојна за една голема сила.
„Историјата нема да ви го прости тоа. Ги повикуваме САД да го слушаат гласот на разумот и да размислат за последиците од нивните одлуки“, рече Небензја.
Свет
Потврдено: нема штета на иранските нуклеарни постројки
Нема штета на иранските нуклеарни постројки, соопшти Меѓународната агенција за атомска енергија на ОН.
Меѓународната агенција за атомска енергија објави дека ја следи ситуацијата „многу внимателно“ и повика на „екстремна воздржаност“.
IAEA can confirm that there is no damage to #Iran’s nuclear sites. DG @rafaelmgrossi continues to call for extreme restraint from everybody and reiterates that nuclear facilities should never be a target in military conflicts. IAEA is monitoring the situation very closely. pic.twitter.com/4F7pAlNjWM
— IAEA – International Atomic Energy Agency ⚛️ (@iaeaorg) April 19, 2024