Свет
Демонстрација на мускули меѓу Русија и НАТО
Психолошката војна меѓу НАТО и Русија би можела да прерасне во жесток конфликт по инерција на руско-грузиското спротиставување. Започнатите воени маневри на НАТО во Грузија ја подигаат нервозата во Кремљ од каде најавуваат реципрочни мерки
Уште во предвечерјето на започнатите маневри на НАТО, што во Грузија се одвиваат на поранешната руска воена база Вазијани, Москва ги започна најмасивните раздвижувања на своите копнени и морски сили откако тие се стационираа во двете републики, по војната со Грузија во 2008 г. Таму сега се одвиваат воени вежби што мошне лесно би можеле да прераснат во отворен судир со НАТО-силите, бидејќи двете паралелни маневри се на оддалеченост помала од 70 километри. Како што изјави претставник од руското МНР, маневрите имаат демонстративен и предупредувачки карактер во однос на Грузија и се поврзани со концентрацијата на грузиски специјални сили и воена техника во непосредна близина на териториите на Абхазија и Јужна Осетија. Инаку, базата Вазијани беше подложена на жестоки бомбардирања од страна на руската воена авијација во август 2008 г., а десетина дена пред обидот на грузиската армија насилно да ја присоедини Ј. Осетија, на оваа воена база се одвиваше завршниот дел од грузиско-американската воена вежба наречена “Достоинствен одговор – 2008”. На овие воени вежби на НАТО во Грузија земаат учество помалку од илјада припадници на воените сили како на Македонија, така и на тринаесет други земји, како на пример Ерменија и Азербејџан, подалечни сојузници на Русија. Од деветнаесет земји, колку што се планираше да учествуваат, по консултациите со Москва своето учество го откажаа пет, меѓу кои се Казахстан, Молдавија и Србија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.