Свет
Убиени 35 милитанти во Авганистан
Американската војска соопшти дека заедничка патрола на американски и авганистански војници во источната покраина Забул била нападната од група бунтовници а во борбите биле убиени 35-мина од напаѓачите
Насилството во Авганистан продолжува, соопшти американската војска стационирана во таа држава, додавајќи дека интензитетот на бунтовничките напади се зголемува. Особено засилени се акциите на милитантите во пограничните региони со Пакистан, во племенските региони каде бунтовниците имаат бази кои ги одржуваат со помош на пакистанските исламски милитанти. „Авганистанските сили започнаа борба рано утринава, кога конвој се движеше под оган на милитантите кои употребуваа лесно вооружување“, се вели во соопштението на американската команда во Авганистан каде наскоро ќе биде зголемен бројот на американските војници од 21 илјада. Во соопштението се додава дека американските војници во патролата учествувале како дел од обуката на авганистанските војници и едека межу нив нема загинати и ранети. Вчера во регионот Пактика заеднички авганистанско-американски сили ликвидираа 34-члена група талибанци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Светски медиуми: Израелски проектил го погоди Иран
Израел го нападна Иран, јавуваат светските медиуми.
Ројтерс цитираше изјава од три лица запознаени со ова прашање, додека иранските државни медиуми објавија рано денеска дека нивните сили ги уништиле беспилотните летала.
Ова се случува неколку дена откако Иран изврши одмазднички напад со дрон врз Израел. Извор изјави за Ројтерс дека САД не биле вклучени, но дека Израел ги информирал пред нападот.
Иранската новинска агенција „Фарс“ објави дека три експлозии се слушнале во близина на воена база во централниот град Исфахан.
Ирански функционер изјави за Ројтерс дека немало ракетен напад и дека експлозиите се резултат на активирање на иранските системи за противвоздушна одбрана.
Иранската државна телевизија објави дека нешто по полноќ „на небото над Исфахан биле забележани три дронови“.
„Системот за противвоздушна одбрана беше активиран и ги уништи овие дронови на небото“, пренесе медиумот.
Телевизијата подоцна соопшти дека ситуацијата во Исфахан е нормална и дека немало копнени експлозии.
Израелската армија не ги коментираше извештаите.
Си-Ен-Ен пишува дека Израел го извршил нападот внатре во Иран, а тоа го изјавил американски претставник за оваа мрежа.
Си-Ен-Ен тврди дека станува збор за потег кој се заканува со дополнително ескалирање на регионалниот конфликт.
Израел го соопшти тоа како одговор на израелскиот напад врз базата на нивната амбасада во Сирија.
Повеќето од иранските беспилотни летала и проектили беа соборени пред да стигнат до израелска територија.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.