Свет
Обама одбил да вечера со Саркози
Францускиот претседател Саркози сакал да приреди вечера за семејството Обама на Ајфеловата кула. Мишел Обама со ќерките претходно била во посета на оваа париска знаменитост
Стотици ветерани од Втората светска војна и лидерите на Франција, Велика Британија, САД и Канада, ја одбележаа 65-годишнината од „Денот Д“, односно сојузничката инвазија на Нормандија со што започна ослободувањето на Франција од фашистичка Германија.Со говорот пред околу десет илјади луѓе на американските гробишта Колевил-сур-Мер, американскиот претедател Барак Обама требаше да ја заврши мини-турнејата по Европа, која вклучуваше и посета на германскиот концентрационен логор Кукевалд крај Дрезден.Но посетата на американскиот претседател Барак Обама беше проследена со контроверзи. Лондонски Time објави дека Барак и Мишел Обама ја одбиле поканата да вечераат со францускиот претседател Николас Саркози и неговата сопруга Карла Бруни, иако вечерта ја минале во резиденцијата на американскиот амбасадор која е само на неколку метри од Елисејската палата каде Саркози ги минува викендите.Според лондонскиот весник, кој се повикува на извори од Елисејската палата, Саркози имал голема желба за приватно дружење на претседателските двојки, но истиот извор рекол дека плановите на Обама се менувале многу често. Така отпаднала и можноста за заедничка вечера во ресторанот „Жил Верн“ на Ајфеловата кула, бидејќи Мишел со ќерките ја посетила уште во петокот.Француските медиуми за ова одбивање сметаат дека се должи на тоа што на прославата не беше поканета англиската кралица Елизабета Втора, единствената од сегашните светски лидери која беше современик на Втората светска војна. Исто така, се споменува и можноста Обама да бил иритиран од тоа што во април на лондонскиот самит на Г-20, Саркози за медиумите изјавуваше дека американскиот претседател е неискусен и недоволно информиран, особено за глобалното затоплување.Некои аналитичари, пак, сметаат дека Обама се држел резервирано поради денешните избори за Европскиот парламент. Имено француската опозиција не беше поканета на одбележувањето на „Денот Д“, и го обвини Саркози дека сакал да направи „шоу Обама-Саркози“ и дека денот на предизборниoт молк сака да го искористи за промоција на неговата опција заземајќи го интересот на медиумите со целодневното дружење со Обама. На ова Саркози саркастично одговорил: „Секако, кога сојузниците на 6-ти јуни 1944 г. се истоварија, тоа било затоа што знаеле дека на 7-ми јуни 2009 г. ќе се одржуваат европски избори“.Сепак, известувачите велат дека била нагласена тенденцијата на Саркози да го „окупира“ Обама само со своето друштво.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024
Свет
(Видео) Авион двапати се одби од пистата во Лос Анџелес: „Ова е најгрубото слетување што сме го снимиле“
На аеродромот во Лос Анџелес во живо е снимено неверојатно слетување на авионот на „Луфтханза“.
Имено, за време на слетувањето, авионот еднаш, а потоа и вторпат се одби од пистата и повторно полета предизвикувајќи шокирани реакции кај коментаторите во преносот од аеродромот.
„Што? Леле, леле, леле. Мислам дека ова е најгрубото слетување што некогаш сме го снимиле“.
Кога повторно се нашол во воздухот, авионот со маневрирање успеал да слета на пистата и безбедно да го заврши летот.
The moment a Lufthansa plane performed a rejected landing, or a ‘touch-and-go’, was caught on a livestream.
🎥 Airline Videos Live via YouTube pic.twitter.com/BpYSGuwMCG— Daily Mail Online (@MailOnline) April 24, 2024