Свет
Индија: Анти-геј законот мора да остане
Њу Делхи (Индија)- Религиозните групи во Индија предупредија дека тие ќе се спротистават на каков било потег кој ќе биде протолкуван како обид да се легализира хомосексуалноста.
Превирањата настанаа по најавите на владата за одредени можни преговори за законот кој класифицира некои сексуални акти како криминално дело.Индиската Хинду главна опозиција во меѓувреме повика за национална дебата за легализацијата, а не како што досега беше најавувано да се одржи само во рамките на владата.“Ова е чувствителен проблем и бара дебата која ќе го вклучува целото индиско општество пред да се донесе каква било одлука“, изјави портпаролот на опозициската партија.Индискиот суд својата одлука ќе ја донесе врз основа на петицијата направена од непрофитна организација. Во конференцијата на вестите минатата недела, претставниците на владата не дадоа никаков став по тоа прашање поради фактот дека се чека конечната судска одлука.“Надежта лебди низ разнобојните паради“, пишуваше на насловната страница на индискиот весник, вклучувајќи фотографија од геј-парада. Учесниците во таа парада остро се спротиставија на Секцијата 377 од законот која го одредува како криминално дело сексуалниот акт помеѓу возрасни од истиот пол во државата.Религиозните лидери, како и да е, се спротиставуваат остро на хомосексуалноста тврдејќи дека е “неприродна“.“Ние секако сме против нарекувањето на хомосексуалноста криминално дело, но многу повеќе се противиме на легализирањето на хомосексуалноста бидеќи тоа ќе значи нарушување на основните фундаментални норми на семејството“, изјави бискупот на Католичката црква во Индија.Но, во однос на исламот, тие одамна се јасни по ова прашање, и тој секако не дозволува ваков “неприроден акт“.Дали индиската влада ќе попушти под религиозниот притисок или конечно ќе се избори за легализирање, нешто што одамна требаше да биде сторено во демократско општество, останува да видиме.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.