Свет
Најмалку 140 мртви во меѓуетничко насилство во Кина
Најмалку 140 лица загинаа, повеќе од 800 се повредени, а стотина се уапсени во етничкото насилство во главниот град на западната кинеска провинција Ксинџијанг
Кинеската државна новинска агенција Ксинхуа, повикувајќи се на владин претставник, јави за големи меѓуетнички безредија кои избувнаа во текот на ноќта недела спроти понеделник, а во понеделник утрото се смируваат. Според информации на странските новински агенции, некои квартови од главниот град Урумкви биле речиси херметички затворени за да се спречат насилствата.Телевизијата CCTV емитуваше снимки на кои се гледаат повредени цивили, запалени автомобили и автобуси и група демонстранти кои фрлаат камења врз полицијата и превртуваат полициско возило.Кинеските власти за насилството ги обвинија ујгурските дисиденти, кои ги убедиле Ујгурите во Урумкви да ги нападната Кинезите, односно Ханите. Во провинцијата Ксинџијанг, во северозападниот дел на Кина, покрај границата со Централна Азија живеат околу 8,3 милиони Ујгури.Дел од припадниците на тоа муслиманско малцинство, кои имаат потесни врски во народите од средна Азија, отколку со Ханите, ги обвинуваат кинеските власти дека во името на борбата против тероризмот извршуваат политичко, верско и културно насилство.Кинеската телевизија, вината за насилствата меѓу другите му ја припиша и на водачот на Светскиот ујгурски конгрес, Ребија Кадир, кој живее во САД. Ујгурските лидери во егзил од друга страна ги обвинија кинеските власти дека на мирните протести реагирале со прекумерна сила.Годинава изминуваат 60 години откако кинеските сили навлегоа во Ксинџијанг и, според нив, мирно го ослободија. Но, тамошното автохтоно население кое бара независноста, вели дека тогаш се случила инвазија.Ујгурите, како и Тибетанците обвинуваат дека Кина спроведува етничко и демографско обезличување, давајќи им на доселените Кинези да ја преземаат економската и политичката власт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.