Свет
Финансиската криза го јакнe организираниот криминал
Изјави извршниот директор на секторот за борба против криминалот при Обединетите нации (ОН) Антонио Мариа Коста
Светската финансиска криза му понуди на организираниот криминал единствена можност да се врати во глобалниот банкарски систем од каде беше отстранет со мерките воведени по нападите на 11. септември 2001 година.Ова го изјави извршниот директор на секторот за борба против криминалот при Обединетите нации (ОН) Антонио Мариа Коста. Според него, до финансиската криза во 2008 година банкарскиот систем „беше многу активен и чист“ што го принуди организираниот криминал да се врати на готовински трансакции.„Тоа во основа беше состојба до финансиската криза која почна како проблем на ликвидноста, неподготвеноста на банките да се ангажираат на меѓубанкарските трансакции“, рече Коста.„Така од една страна имате прилив, ресурси, готовина од организираниот криминал, а од друга страна многу неликвидни банки кои имаат потреба од готовина. Тоа навистина е можност организираниот криминал да продре во финансискиот систем“, посочува раководителот при ОН.Коста своите оценки ги изнесе на отворањето на Иницијативата на ОН за западна Африка, програма на повеќе агенции за борба против организираниот криминал во тој дел од светот погоден од судири, кој што последните години стана транзитен јазол за кокаин од Јужна Америка кон Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.