Свет
Грузија ја обвини Русија за агресија врз нејзина територија
Грузија во понеделник ја обвини Русија сека се обидува да заземе нејзина територија надвор од отцепената Јужна Осетија, по речиси една година од руската интервенција во овој регион минатото лето
Грузиското министерство за надворешни работи соопшти дека руски војски навлегле во селото Квеши, на границата со Јужна Осетија и поставиле ново одбележување за граничната линија. „Овој акт многу е алармантен, бидејќи на годишнината од руската агресија врз Грузија, Русија и нејзините марионети намерно предизвикуваат тензии се однесуваат предизвикувачки“, се вели во соопштението на министерството.Алексеј Кузњецов, портпарол на руското министерство за одбрана, одбил веднаш да го коментира обвинувањето на грузиската страна. Сепак, Грузија тврди дека руските офицери на границата во понеделник наредиле да се поместат граничните пунктови за стотина метри од претходните позиции на територијата на Јужна Осетија. Стив Бирд, портпаролот на набљудувачката мисија на Европската Унија, изјави дека набљудувачите ја следеле одблиску ситуацијата, но руските гранични власти ги убедувале дека немаат намера да ги придвижат своите пунктови кон нови маркации во областа. Руското министерство за надворешни работи, соопшти дека заменик-министер за надворешни работи, Григориј Карасин имал телефонски разговор со помошник државниот секретар на САД за политички прашања, Вилјем Барнс, при што била разгледувана ситуацијата во Јужна Осетија.„Тој подвлекол дека е неопходно да се превенираат сите воени провокации кои би можеле дополнително да ја дестабилизираат веќе ровката ситуација на границата“, соопштило руското министерство. На речиси една година од ланските судири, ситуацијата од ден на ден станува понапната, а Русија и Грузија меѓусебно се обвинуваат за провокации и желба да се обновата судирите. Валсите во Јужна Осетија ја обвинија Грузија за отворање оган и убиствени напади во регионот на главниот град Чинквали во два наврата минатата седмица. Грузија ги отфрли обвинувањата и обвинија за стрелање врз нејзини граѓани, но притоа никој не е повреден. Во саботата руското министерство за одбрана ја предупреди Грузија дека Русија „.. го задржува правото да ги искористи сите сили и средства за да ги заштити граѓаните на Јужна Осетија и руските војници, во случај на натамошни провокации од грузиска страна“.Според, Тбилиси, токму оваа закана ги отсликува вистинските намери на Кремљ. Темур Јакобашвили од кабинетот на грузискиот премиер за AP изјави во неделата дека неговата држава нема намера да употреби сила, бидејќи, како што вели – нема воено решение за конфликтот.Војната од минатиот август започна откако Грузија ја започна офанзивата за ставање под целосна контрола на дотогаш нејзината автономна област Јужна Осетија, зад која стои Русија, која молскавично реагираше со испраќање на илјадници војници и тенкови и со воздушни напади, и ги потисна грузиските единици длабоко на нивна територија. По пет дена интензивни жестоки борби, беше склучено примирје под покровителство на Европската Унија. Тогаш грузиската власт тврдеше дека морала да употреби артилериски оган, затоа што областа од порано имало стационирано руски војници. Москва го демантираше тоа и тврдеше дека има легално право да интервенира затоа што во околината на Чинквали имаше свои мировници, распоредени како набљудувачи и гаранти на мирот по првата осетиско-грузиска војна и нејзините граѓани. Ианку, огромен процент од Осетијците имаат руско државјанство и работејќи во Русија ги издржуваат своите семејства. По војната Москва ја призна независноста на Јужна Осетија и на Абхазија, покраина која исто така прогласи самостојност од Грузија и распоред илјадници војници на нивна територија. Набљудувачите на ЕУ се единствените од претставниците на меѓународната заедница кои останаа во регионот, но тие не можат да патуваат во внатрешноста на двата региона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.