Свет
Мистеријата на грабнувањето на „Артик Си“
Вчера ослободениот руски брод е „Артик Си“, е првиот кој доживеал гусарски напад во територијалните води на Шведска од 17-от век. Но, интересно е прашањето дали неговото грабнување и побараната висока откупнина беа заради дрвената граѓа што ја превезувал
Рускиот брод кој пловеше под малтешко знаеме „Артик Си“, беше пронајден речиси по цел месец. Тој пловеше од Финска за Алжир, официјално превезувајќи дрвен материјал за градежништво вреден околу два милиони долари. Тој исчезна на 24 јули кај архипелагот Каповерде, и исчезна од радарите откако излегол од каналот Ла Манш. Беше пронајден од руската морнарица во африканските води во неделата навечер а со интервенција без насилство беа ослободен 15-те челнови на екипажот, сите Руси. Притоа, руските морнарички командоси уапсија осум лица, двајца Руси, четири Естонци и двајца Латвијци. Вчера рускиот министер за одбрана Анатолиј Сердјуков соопшти дека бродот се водеше подолго време за исчезнат, бидејќи грабнувачите наредиле да се исклучат навигациските и радарските бродски системи. Во руските и западните медиуми, се шпекулира дека наводно во грабнувањто ан „Артик Си“ е вмешана мафијата. Според тие информации, финските сопственици на товарот добиле барање за откупнина од милион евра, но тоа не е потврдено. Уредникот на рускиот магазин за науитика Совфрашт, Михаил Војтенко, ги поттикнал шпекулациите наведувајчи дека товарот на бродот не било ниту оружје или дрога, туку нешто многу поскапоцено и поопасно. Финските власти од каде запловил бродот кон Алжир, ги демантирале ваквите информации за наводен нуклеарен товар на „Артик Си“.„Се чини дека тука не станува збор за кражба на скапоцен брод или товар. Попрво се работи за разидување на руските интереси“, изјавил Дејвид Ослер, кој за весникот на осигурителното друштво Лојд, пишува за безбеднсота на мориња.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Во Хрватска падна снег
На подрачјето на Горски котар во Хрватска синоќа падна снег, а на места имаше и вистинска снежна покривка.
Снег ја зафати и Горанската делница на автопатот А6 Риека-Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.
Свет
Лидерот на Северна Кореја ја надгледуваше воената вежба: се симулираше нуклеарен контранапад
Северна Кореја ги изведе своите први воени вежби кои симулираа нуклеарен контранапад, објави државната новинска агенција на земјата KCNA, како и други државни медиуми.
Врховниот водач Ким Џонг-ун ја надгледуваше вежбата која беше дел од тестот на системот за управување со нуклеарно оружје на нацијата.
Покрај тоа што севернокорејското раководство сака да ја тестира различноста на сопствените нуклеарни капацитети, тоа беше, според КЦНА, протест против американските и јужнокорејските „провокативни и инвазивни“ воени вежби.
Симулациските вежби на севернокорејската војска вклучуваа маневрирање на војниците во позиција за нуклеарен контранапад и истрелување на лажни нуклеарни боеви глави во случај на предупредување за нуклеарна криза.
Во таа прилика беа истрелани неколку балистички ракети со краток дострел кон морето, во близина на источниот севернокорејски брег.
Резолуциите на ОН и забрануваат на Северна Кореја да тестира балистички ракети од кој било дострел, од кои некои се способни да носат нуклеарни боеви глави.
Свет
Британија усвои нов закон, ќе испраќа мигранти во Руанда, реагираа претставниците на ОН
Двајца високи функционери на Обединетите нации денеска ја повикаа Британија да го разгледа својот план за префрлање на барателите на азил во Руанда, предупредувајќи дека потегот ќе има штетно влијание врз човековите права и заштитата на бегалците.
Во заедничката изјава, Филипо Гранди, Високиот комесаријат на ОН за бегалци и Волкер Турк, Високиот комесаријат за човекови права на ОН, ја повикаа ОК наместо тоа, да преземе практична акција за справување со нерегуларните текови на мигранти и бегалци.
„Новиот закон означува уште еден чекор подалеку од долгата традиција на Обединетото Кралство за обезбедување засолниште за оние на кои им е потребно, што исто така ја прекршува Конвенцијата за бегалци“, рече Гранди.
Британскиот парламент вчера усвои закон со кој се дозволува илегалните мигранти да се испраќаат во Руанда каде ќе се разгледуваат нивните барања за азил. Британскиот премиер Риши Сунак вчера вети дека ќе почне да испраќа баратели на азил во Руанда во рок од 10 до 12 недели. Сунак објави дека владата резервирала комерцијални чартер авиони и обучила персонал да испраќа мигранти во Руанда.
Десетици илјади мигранти, од кои многумина бегаат од војните и сиромаштијата во Африка, Блискиот Исток и Азија, стигнаа до Велика Британија во последниве години поминувајќи го Ла Манш со мали чамци на ризични патувања организирани од шверцери.
Запирањето на протокот на мигранти е приоритет за британската влада, но критичарите велат дека планот за депортирање на луѓе во Руанда наместо да се работи со барателите на азил во Британија е нехумано.
Според политиката формулирана пред две години и договорена со Руанда, секој барател на азил кој ќе пристигне во Британија илегално ќе биде испратен во Руанда според шемата за која владата вели дека ќе го спречи преминувањето на каналот и ќе ја разбие сегашната шема на шверц на луѓе. Ова ќе важи и за оние кои поднеле барање за азил во Велика Британија и никогаш досега не стапнале на африканскиот континент.