Свет
Ден по изборите во Авганистан
И изборниот тим на претседателот Хамид Карзаи и тој на главниот противник Абдула Абдулах, објавувале победа на изборите, еден ден по храброто гласање на милиони авганистанци и покрај многубројните напади на талибаните
Првите официјални бројки се очекуваат најрано во сабота, но изборните тимови на кандидатите соопштувале неофицијални информации за победа. Според пребројувањето од штабот на Абдулах, неофицијално тој бил во убедлива предност, но таквите информации не се целосни, поради необјавените бројки од југ и исток на земјата, каде гласачкото тело на Карзаи било побројно.Тимот на Карзаи соопштил дека претседателот освоил повеќе од 50 проценти од гласовите на граѓаните. Овој резултат би значел дека нема да има втор круг гласање.„Ние веруваме дека Карзаи ќе има повеќе од 50 проценти од гласовите“, изјавил Седик Седики, претставник од тимот на Карзаи, додавајќи дека таквото верување се базирало на нивни првични сознанија.Ставот на Независната изборна комисија вели дека е премногу рано штабовите да слават победа.„Она што го тврди канцеларијата на Карзаи, не е точно. Резултатот е пред вас. Можете да видите дека Абдулах е во предност со 62 проценти, а Карзаи губи со 31 процент од гласовите“, изјавил Сајид Ага Хусеин Фазел Санхараки, претставник од канцеларијата на Абдула Абдулах.Додека кандидатите ги формираат очекувањата во престолнината, изборните комисии низ земјата ги броеле гласовите. Меѓународните набљудувачи повикале на тишина додека траело неизвесното чекање на резултатите. Иако првичните бројки ќе бидат објавени во сабота или во недела, официјалните резултати нема да бидат објавени до почетокот на септември. Заканите, насилствата и стравот допринеле да се намали излезноста на изборите, споредено со претходното гласање во 2004 г. Најмалку 26 луѓе загинале во изборните насилства, што сепак за експертите било помалку од она што се стравувало.Врвниот претставник на изборните комисии, Зекриа Баракзаи, за Associated Press изјавил дека според проценките само 40 до 50 проценти од 15-те милиони регистрирани гласачи излегле на гласање, што било далеку помалку од 70 процентната излезност на изборите во 2004г. Но, и покрај се’, повеќето Авганистанци гласале, дури по цена на животот. Некои чекале до попладнето за да видат дали ќе се остварат заканите на талибаните, кои рекле дека ќе ги разнесат изборните единици. Некои гордо го покажувале мастилото од маркерот на показалецот за да покажат дека гласале.Властите отвориле 6.202 изборни центри, што претставува 95 проценти од планираните, според изјавите на Баракзаи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пациентите со задолжително здравствено осигурување во Германија повторно би можеле да плаќаат такса за лекување во ординации
Во борбата против постојано зголемувањето на трошоците за здравствена заштита во Германија, економските експерти предлагаат поголемо учество на обврзниците на здравственото осигурување и повторно воведување на надоместоци за здравствена заштита, односно лекување во ординациите на општа пракса, пишува магазинот Феникс.
Шефот на Одделот за здравствена компетентност при Институтот за економски истражувања во Рајнише Вестфален Лајбниц (РВИ), Борис Аугурски, за Билд изјави дека укинувањето на здравствената такса во лекарските ординации е грешка.
– Наместо таксата за претходна пракса од десет евра по посета на лекар, подобро е, на пример, да земете пет евра по посета на лекар. Исклучок треба да биде земање рецепти, рече Аугурски, пренесува магазинот Феникс.
Стефан Грес, здравствен економист од Фулда, се залага за значително зголемување на прагот на придонесот.
Постепено треба да се зголеми од сегашните 62.100 евра годишно на 90.600 евра годишно.
– Тоа значи дека компаниите за здравствено осигурување би можеле да заработуваат околу десет милијарди евра повеќе годишно, изјави Грес за Билд.
Од друга страна, економистот од Фрајбург, Бернд Рафелхусен, повикува на здравствени придобивки независно од платата.
– Доколку сакате да платите помала такса, мора да ја зголемите месечната здравствена такса. Компаниите за здравствено осигурување мора да се вклучат за да им помогнат на луѓето кои не заработуваат доволно, рече Бернд Рафелхузен.
Пациентите со задолжително здравствено осигурување во Германија до крајот на 2012 година требаше да плаќаат квартален надоместок од десет евра за лекување и стоматолошки третман. Таксата беше укината во 2013 година.
Свет
Кина испраќа тројца астронаути во вселенската станица како дел од својата програма на Месечината
Кинеската вселенска агенција ги прави последните подготовки за испраќање на екипажот Шенжу-18 во ниската орбита на Земјата, како дел од нејзината вселенска програма која има за цел да испрати луѓе на Месечината до 2030 година.
Кинеската вселенска агенција за екипаж (CMSA) на денешната прес-конференција претстави тројца астронаути, командант Је Гуангфу, кој беше дел од мисијата Шенжу-13 2021, Ли Конг и Ли Гуангсу, кои за прв пат ќе одат во вселената, пренесува CRI. .
Вселенското летало со тројца луѓе се очекува да полета во четврток во 20:59 часот по локално време од центарот за лансирање на сателити Џиукван во пустината Гоби во северозападна Кина.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.