Свет
Иранците го оплакуваат ирачкиот шиитски водач ал Хаким
Илјадници натажени луѓе се молат и пред споменикот на иранскиот шиитски водач Абдул-Азис ал Хаким, кој мина речиси две децении во Иран во времето на власта на Садам Хусеин пред да се врати во татковината и да стене политички лидер
Церемонијата во чест на Абдул-Азис ал Хаким кој почина во средата во Техеран од рак на белите дробови присуствувале и повеќе ирански официјални личности, вклучувајќи го и министерот за надворешни работи Манушер Мотаки. На чествувањето му се приклучиле и стотици ирачки емигранти откако завршила процедурата во ирачката амбасада за патување на останките на ал Хаким во светиот шиитски град Наџаф во Ирак. Ал Хаким го предводеше политичкиот блок. Високиот исламски ирачки совет, кој стана највлијателната политичка сила кај шиитите по падот на режимот на Садам Хусеин, продолжувајќи да соработува со американските сили и задржувајќи ги врските со Иран.Вишиот совет претрпе пораза на провинциските избори во јануари, но презема чекори за стапување во нови политички сојузувања кои ќе вклучат и сунитски групи кои се сомничави кон врсктие што ги имаше ал Хаким со Иран.Во последниот период Ал Хаким беше преокупиран со пренесувањето на политичките задолженија на неговиот син и политички наследник, Амар. Како што најави партијата, телото на ал Хаким ќе биде пренесено од иранскиот град Кум, центарот на шиитското учење, до Наџаф во Ирак.Иранските власти официјално не прогласија денови на жалост, но дадоа големо значење и почит за починатиот ирачки шиитски водач.Првите американски претставници во Ирак, амбасадорот Кристофер Хил и генералот Реј Одиерно исто така му одадоа почит на ал Хаким, истакнувајќи го, како што рекле – неговиот придонес кон создавањето на новиот Ирак.„Неговата смрт во оваа чувствителна етапа кој претстои, претставува голема загуба за Ирак“, изјавил ирачкиот премиер Нури ал Малики. И таткото на ла Хаким, Големиот ајатолах Ал-Хаким бил еден од највлијателните шиитски лидери на неговата генерација. Семејството пребега во Иран во 1980 г., по силните репресии што ги спроведуваше садамовиот режим врз шиитската опозиција. Ал Хаким и неговиот брат Бакир Мохамед ал Хаким се вратија во Ирак веднаш по паѓањето на режимот на Садам Хусеин. Во атентат на 29 август 2003 г, во Наџаф беше убиен Бакир Мухамед и повеќе од 80 шиити. Тогаш Абдул-Азис ал Хаким влезе во раководството на Високиот совет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.