Свет
Осуммина убиени во Мексико
Осум лица загинаа а четири се ранети од рафална стрелба со „калашникови“ на забава на плажа крај мексиканскиот град Наволато
Во нападот што со автоматски пушки го извеле неколку напаѓачи загинале и двајца малолетници, 15-годишно момче и 17-годишна девојка. Associated Press пренесува дека во истиот напад е убиена и дваесетгодишната ќерка на локален полицаец, но мексиканската полиција засега не излегува со мотивите на масакрот. Сепак, постои сомневање дека и зад овој напад стојат злогласните мексикански нарко картели. Во нападот покрај осумте убиени, има и четири ранети лица. Портпаролот на обвинителството во Наволато, Мартин Робертс, изјавил дека на посетителите на забавата е стрелано од автомобил кој се движел со голема брзина. Војната меѓу нарко картелите и насилствата поврзани со нелегалниот пазар на дроги во Мексико кој трае од 2006 г. досега се убиени 13.500 лица, припадници на бандите, недолжни цивили, полицајци и војници кои се ангажирани со наредба на претседателот Фелипе Калдерон. Според официјалните податоци само две илајди лица ги загубиле живототе во првите три месеца од 2009 г. Убиствата се карактеризираат со брутални масакри, мачења и унакажувања на жртвите. Бандитите се осилени толку што дрско ги напааѓаат и полицајците и нивните семејства, како и војниците, кои досега бележат повеќе од стотина жртви.По наредба на Калдерон, 36 илјади полицајци и војници се ангажирани во борбата против наркокартелите. Во април, при посетата на Мексико, американскиот претседател Барак Обама потврди дека САД ќе го помагаат Мексико во оваа војна, и на мексиканска и на американска територија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.