Свет
ПАСОК со убедлива победа од 43 отсто
Опозициската социјалистичка партија ПАСОК освои 43 отсто од гласовите на денешните предвремени парламентарни избори во Грција, покажаа првите официјални резултати
По пребројување на три проценти од гласовите, ПАСОК е убедлив победник на изборите и освоил мнозинство во Парламентот.Досегашната владејачка конзервативна партија Нова демократија има освоено 37 отсто од гласовите.Папандреу по гласањето најави убедлива победа. Во ПАСОК очекуваа најмалку 43 отсто од гласовите, со што ќе се обезбеди стабилно мнозинство во Парламентот од најмалку 155 пратеници.„Ова е порака на надеж, промена за подемократско, поправедно и потранспарентно општество“, изјави Папандреу.Харизматичниот премиер на конзервативната Неа демократија Костас Караманлис по се изгледа не ја искористи довербата што ја доби на вонредните избори пред две години.ПАСОК на Јоргос Папандреу освоилa од 41 до 44 отсто од гласовите. Општа оценка во Атина е дека Владата во последните 12 месеци не успеала да оствари речиси ништо. Економијата е на раб на банкрот, невработени се безмалку 8 отсто од населението, царува корупцијата.„Денеска грчките мажи и жени одлучуваат, тие прават важен политички избор“, рече Караманлис.Многумина сметаат дека една од причините за распишувањето на предвремените парламентарни избори е обидот на Караманлис да ја спаси партијата од уште поубедлив изборен пораз.Јоргос Папандреу, човекот од дијаспората, како што во Грција се доживува поради тоа што е роден во Америка, најави промени за поинаква Грција.Според изборните правила, денешниот победник во старт добива бонус од 40 пратенички места во Парламентот.Останатите 260 пропорционално се делат помеѓу сите партии кои ќе го поминат изборниот цензус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.