Свет
На Криволак почна воената вежба „Македонки блесок 05“
На армискиот полигон Криволак во Центарот за обука Пепелиште и во касарните „Илинден“ во Скопје и „Јане Сандански“ во Штип свечено беше отворена вежбата „Македонски Блесок 05“
Во ЦО „Пепелиште“ на чинот на свеченото отворање пред штабот на вежбата и дел од персоналот за поддршка се обрати директорот на вежбата полковник Митре Стојанов кој истакна дека вежбата „Македонски блесок 05“ е исклучително важна вежба на која од учесниците се очекува да го потврдат досегашниот успех кој произлегува од високиот степен на обученост, професионалност и досегашното стекнато искуство од учеството во мисиите предводени од НАТО, ЕУ и ОН. „Македонски блесок – 05“ е жива вежба со единици на терен и ќе се реализира од 19 до 28 октомври 2009 г., со цел да се оцени и верифицира обученоста, оперативната способност и борбената подготвеност на декларираните единици на АРМ согласно Концептот за оперативни способности (ОСС- концепт со кој се врши оценување на вистинските можности за распоредување на единиците во мисии предводени од НАТО).Според бројноста на персоналот за вежбата „Македонски Блесок – 05“ може да се каже дека таа е една од најголемите и најсложените вежби со единиците на АРМ, преку која во наредните десет дена се очекува да се изврши целосна проверка на примената на стандардните оперативни процедури при употребата на декларираниот среден пешадиски баталјон (спбн) на АРМ, кој е од составот на Пвата механизирана пешадиска бригада (мпбр) и четата на воена полиција(чВП), во операции за поддршка на мирот предводени од НАТО, ЕУ и ОН.Како што е познато, за време на „Македонски Блесок 05“ќе се изврши самооценување НИВО 2 – CREVAL (Combat readiness evaluation) на декларираниот спбн и чВП на АРМ, од страна на оценувачки тим од составот на единиците АРМ обучен според стандардите за оценување во Алијансата. За време на реализацијата на вежбата, процесот на оценување, познат како ,,Самоценување НИВО 2 – CREVAL“ ќе биде присутен Мониторинг Тим на НАТО и набљудувачи од земјите членки на НАТО и Парнерството за Мир.Инаку, денес пред официјалното отварање на вежбата започна и реализицијата на првиот проект во делот на цивилно-воената соработка (CIMIC), со еколошко уредување на просторот и поправка, расчистување и тампонирање на пат во должина од 550м во селото Пепелиште.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Свет
Тешка автобуска несреќа во Јужна Африка, загинаа 45 лица
Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.
Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.
Автобусот превезувал луѓе од Боцвана до Морија, град во Лимпопо.
Спасувачките операции продолжија до доцна денеска.
Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.